Uaşington AQŞ, Qazaqstan, Qırğızstan, Täjikstan, Türikmenstan jäne Özbekstandı qamtitın «C5+1» seriktestigin teris piğıldarğa paydalanuı mümkin – dep mälimdedi Resey Sırtqı ister ministri Sergey Lavrov.

Qañtar ayınıñ 15-si küni Resey Sırtqı ister ministri Sergey Lavrov "2017 jıldağı RF-nıñ diplomatiyalıq nätijeleri" attı baspasöz mäslihatında «S5+1» äriptestigi jöninde pikir bildirgen. Ol onda: «Biz Ortalıq Aziyadağı körşilerimizdiñ keñ auqımdı sırtqı sayasat wstanğanına qarsı emespiz. Biraq biz AQŞ-tıñ atalmış äriptestikti teris piğılda paydalanğısı kelgenin estidik. Bwl bwğan deyin de aytılğan «Ülken Ortalıq Aziya» jobasına wqsas dünie. Eger bizdiñ amerikalıq äriptesterimiz bizdiñ ortalıq aziyalıq dostarımızben kezdesuinde ekonomika emes geosayasat twrğısında kelissöder jürgizetin bolsa, onda olardıñ barlığı bwnıñ jaqsılıqqa aparmaytının köretin boladı. Bizdiñ «Ülken Euraziya» jobamız atalmış ideologiyağa kereğar. Onıñ negizinde aşıqtıq pen birtindep birigu ideyası jatır. Osınıñ nätijesinde biz bükil Euraziya qwrlığın biriktirmekpiz» - degen.

Esteriñizge salayıq, bwğan deyin AQŞ Memlekettik hatşısınıñ Oñtüstik jäne Ortalıq Aziya byurosınıñ birinşi orınbasarı Elis Uells Uaşingtonnıñ Ortalıq Aziya elderiniñ sırtqı ister ministrlerimen aymaqtağı elderdiñ birinde «S5+1» formatında kezdesu ötkizu josparı bar ekendigin mälimdegen.

“The Qazaq Times”