Foto: tvcnews.tv

Moldovalıq biznesmen Anatoliy Stati Qazaqstannan 167 mln dollar alıp ketken. Bwl qarajat eldiñ batısında gaz öndiru zauıtınıñ qwrılısına jwmsaluı tiis bolğan. Bwl turalı QR ädilet ministri Marat Beketaev mälimdedi.

Ministrdiñ sözinşe, Stati Qazaqstanda jwmıs istep jürgen kezde obligaciyalardı ornalastırğan, al alınğan qarjı gaz öñdeu zauıtınıñ qwrılısına jwmsalu kerek bolğan.

"Bwl üşin ol nemis jäne ağılşın kompaniyasın jaldağan. Ağılşın kompaniyasınıñ atı - Perkwood. Biz Angliyanıñ resmi derekközderinen aqparattı swrastırdıq jäne qaradıq. Bilgenimizdey, bwl kompaniya Statidiñ kompaniyası atınan birneşe on milloon dollar qarjı alıp otırğan. Angliyada nöldik esep tapsırğan jäne birneşe jıl jwmıs istegen. Sodan biz Latviyağa saual jiberdik. Bwl kompaniyanıñ latviyalıq banktegi şotına gaz öñdeu zauıtınıñ qwrılısı üşin aqşa audarılğan. Latviyanıñ qwqıq qorğau organdarınıñ jauabı boyınşa banktegi şot Anatoliy Statidiñ atındağı senimhat arqılı aşılğan", - dedi Beketaev.

Biraq ministrdiñ aytuınşa, zauıt äli jwmıs istemeydi, tipti salınbağan. Al Statidiñ alayaqtığı jönindegi dälelin Qazaqstan keşigip alğandıqtan onı Stokgol'm sotı qabıldamağan. 2013 jılı sot Qazaqstannıñ Statige 500 mln dollar töleytini turalı şeşim şığarğan.

"Arbitajdı şeşim aldın ala orındalu kerek, kez kelgen elde ol zañdı türde moyındaluı tiis. Stati birinşi kezekte mwnı Wlıbritaniyada jüzege asırmaq bolğan. Ol London sotınan bwğan aldın ala bwğat qoyudı jäne onı Angliyada zañdı türde moyındaudı swrağan. Alayda sot odan bas tartqan", - dedi vedomstvo basşısı.

Ädilet ministrliginiñ sözine qarağanda Stati AQŞ-qa da jügingen. Alayda Qazaqstan onıñ Londondağı alayaqtığına qatıstı qarsı talap arızın joldağan. Tıñdaular osı jıldıñ qazan ayına josparlanğan.

Beketaevtıñ sözinşe, AQŞ pen Angliyadağı arbitajdı şeşimniñ orındaluına qol jetkize almağandıqtan Stati Şveciya, Bel'giya jäne Niderlandı sotına da şağım tüsirgen. Osı elderde ol qarajattı aldın ala bwğattaudı bastağan. Biraq qarajat mäselesi kezeñ kezeñimen şeşiletin boladı.

"Ol arbitajdı şeşimdi zañdı dep tanudı swrap otır. Biz bwğan Wlıbritaniyada qalay qarsı bolsaq, basqa elderde de solay isteymiz. Stati zauıt qwrılısı üşin qarajat salmay, onı latviyalıq banktegi şotına audardı. Arbitajdı şeşimdegi ötemaqınıñ bir böligi - gaz öñdeu zauıtınıñ ötemaqısı. Bwl şeşimde salınıp bitpegen zauıttıñ qwnı 230 mln dollarğa bağalanıp otır. Bizdiñ mälimet boyınşa latviyalıq bank sotına 167 mln dollar audarılğan, yağni zauıt qwnı bwrmalanğan. Biz osı faktilerge baylanıstı özimizdi qorğaytın bolamız. Stati zauıttıñ naqtı qwnın jasırğan", - dedi ol.

Ayta keteyik, ötken jıldıñ jeltoqsan ayında  Amerikalıq Bank of New York Mellon sot isine baylanıstı Qazaqstan Wlttıq qorınıñ 22 mlrd dollarına bwğat qoyğan. Wlttıq qor qarjısınıñ bwğattaluına moldovalıq biznesmen Anatoliy Statidiñ arızı sebep. Sebebi moldovalıq millioner Stati osıdan 4 jıl bwrın "Qazaqstan Moldova investiciyalarına qatıstı Energetikalıq Hartiya turalı şarttı bwzdı" dep Qazaqstannan 500 mln dollar almaq bolğan.

“The Qazaq Times”