Foto: Reuters

Franciya Prezidenti Emanuel' Makron jalğan aqparattarmen küresuge arnalğan jaña zañ jobasınıñ josparın tanıstırdı. Ol saylau uaqıtında äleumettik jelilerdegi onlayn jariyalanımdarğa qoyılatın talaptar küşeyui mümkin ekenin atap ötti. Franciyanıñ memleket basşısı osığan deyin Reseydiñ BAQ arqılı Europa men AQŞ-tağı qoğamdıq pikirge aytarlıqtay ıqpal jasauğa tırısatının aytqan bolatın. Sarapşılar jaña zañnıñ Reseydiñ aqparattıq soğısına qarsı qoldanılıp otırğan şara ekenine senimdi. Bwl turalı VVS aqparat agenttigi jazdı. 

N'yu-Yorkte ötken BAQ ökilderimen kezdesude Emanuel' Makron äleumettik jelilerde jalğan aqparat jariyalau tendenciyasınıñ artıp kele jatqanına toqtaldı. "Bükil älemde jalğan mälimet taratıp, belgili twlğalar men sayasatkerlerdi qaralauğa jwmıs isteytin mıñdağan äleumettik jeli paraqşaları bar", - dedi ol.

Halıqtı resmi rastalmağan derekterden qorğau üşin ol äleumettik jeli paraqşaları kontentiniñ aqparat közin tekseru mümkindigin engizudi wsındı. Sonday-aq demeuşiniñ tapsırmasımen jariyalanatın materialdarğa şek qoyıluı kerektigi de aytıldı. "Biz demokratiyanı jalğan jañalıqtardan qorğauımız kerek", - dedi Franciya Prezidenti.

Ötken jıldıñ mamır ayında Emanuel' Makron Resey Prezidenti Vladimir Putinmen birge ötken baspasöz konferenciyasında reseylik RT jäne  Sputnik telearnaların jalğan propaganda taratadı dep ayıptağan bolatın. Sol oqiğadan keyin atalğan telearnalar francuz tilinde jañalıq tarata bastadı.

“The Qazaq Times”