Resey qalalarında jasırın nomermen jarılıs turalı üreylendiruler köbeydi. Foto: "Fraud" Cry.

Jaña jıl qarsañında  Resey ükimeti köptegen qalalarda «qwpiya qoñıraulardıñ» qorqıtuımen 14 mıñ adamdı evakuaciyalauğa mäjbür boldı. Bwl turalı «Şinhuanıñ» resmi saytı jazdı.  

Resey aqparat qwraldarınıñ qauipsizdik  taraularınıñ  mälimetterine silteme jasay otırıp habarlauına qarağanda, ötken aptada Reseydiñ 50 qalasındağı qauipsizdik qızmetkerleri jarılıs turalı habarlağan  56 «qwpiya qoñıraudı» qabıldağan. Sol boyınşa sauda ortalıqtarı, vokzal jäne özge de äleumettik orındardan twrğındardı evakuaciyaladı. Alayda, «qwpiya qoñıraulardan» kelgen aqparattardıñ bäri jalğan bolıp şıqqan.

Reseydiñ qwqıq qorğau organdarınıñ 1 qañtar küngi jariyalağan  mälimetinşe, «qwpiya qoñıraulardan» kelgen üreylendiruler Mäskeu, Peterbor,  Volgograd, Vladivostok qatarlı birneşe qalalarda bir uaqıtta orın alğan.

Soñğı birneşe ayda Reseydiñ köptegen qalalarında  jarılıs turalı habarlap, üreylendirgen «qwpiya qoñıraular»  köbeydi. Atalğan, «qwpiya qoñıraulardıñ» ükimetke 2 mln 600 mıñ AQŞ dolları köleminde ziyan jetkizgen.

Mälimetterge süyensek, «qwpiya qoñıraulardıñ» köbi Süriyadan şalınğan. Bwdan sırt, Türkiya, Ukraina, AQŞ, Kanada, Qazaqstan jäne Özbekstan territoriyalarınan şalınğan qoñıraular anıqtalğan.

Germaniya aqparat qwraldarınıñ 1 qañtar küngi habarında Resey prezidenti Vladimir Putin 3 jeltoqsanda şeşim şığarıp, mwnday «qwpiya qoñırau» şaluşı anıqtalsa 10 jılğa qamau jazası bwyıratının aytılğan.

Alğıs Serik

“The Qazaq Times”