رەسەي جاڭا جىلدى جارىلىس ۇرەيىمەن قارسى الدى

جاڭا جىل قارساڭىندا  رەسەي ۇكىمەتى كوپتەگەن قالالاردا «قۇپيا قوڭىراۋلاردىڭ» قورقىتۋىمەن 14 مىڭ ادامدى ەۆاكۋاتسيالاۋعا ءماجبۇر بولدى. بۇل تۋرالى «شينحۋانىڭ» رەسمي سايتى جازدى.  

رەسەي اقپارات قۇرالدارىنىڭ قاۋىپسىزدىك  تاراۋلارىنىڭ  مالىمەتتەرىنە سىلتەمە جاساي وتىرىپ حابارلاۋىنا قاراعاندا، وتكەن اپتادا رەسەيدىڭ 50 قالاسىنداعى قاۋىپسىزدىك قىزمەتكەرلەرى جارىلىس تۋرالى حابارلاعان  56 «قۇپيا قوڭىراۋدى» قابىلداعان. سول بويىنشا ساۋدا ورتالىقتارى، ۆوكزال جانە وزگە دە الەۋمەتتىك ورىنداردان تۇرعىنداردى ەۆاكۋاتسيالادى. الايدا، «قۇپيا قوڭىراۋلاردان» كەلگەن اقپاراتتاردىڭ ءبارى جالعان بولىپ شىققان.

رەسەيدىڭ قۇقىق قورعاۋ ورگاندارىنىڭ 1 قاڭتار كۇنگى جاريالاعان  مالىمەتىنشە، «قۇپيا قوڭىراۋلاردان» كەلگەن ۇرەيلەندىرۋلەر ماسكەۋ، پەتەربور،  ۆولگوگراد، ۆلاديۆوستوك قاتارلى بىرنەشە قالالاردا ءبىر ۋاقىتتا ورىن العان.

سوڭعى بىرنەشە ايدا رەسەيدىڭ كوپتەگەن قالالارىندا  جارىلىس تۋرالى حابارلاپ، ۇرەيلەندىرگەن «قۇپيا قوڭىراۋلار»  كوبەيدى. اتالعان، «قۇپيا قوڭىراۋلاردىڭ» ۇكىمەتكە 2 ملن 600 مىڭ اقش دوللارى كولەمىندە زيان جەتكىزگەن.

مالىمەتتەرگە سۇيەنسەك، «قۇپيا قوڭىراۋلاردىڭ» كوبى ءسۇريادان شالىنعان. بۇدان سىرت، تۇركيا، ۋكراينا، اقش، كانادا، قازاقستان جانە وزبەكستان تەرريتوريالارىنان شالىنعان قوڭىراۋلار انىقتالعان.

گەرمانيا اقپارات قۇرالدارىنىڭ 1 قاڭتار كۇنگى حابارىندا رەسەي پرەزيدەنتى ۆلاديمير پۋتين 3 جەلتوقساندا شەشىم شىعارىپ، مۇنداي «قۇپيا قوڭىراۋ» شالۋشى انىقتالسا 10 جىلعا قاماۋ جازاسى بۇيىراتىنىن ايتىلعان.

العىس سەرىك

“The Qazaq Times”