Foto: akorda.kz

QR Prezidenti Nwrswltan Nazarbaev Qorğanıs ministrliginiñ basşılıq qwramımen kezdesti, dep habarlaydı, Aqordanıñ baspasöz qızmeti.

Kezdesu barısında Memleket basşısına Qazaqstan Respublikası Qarulı Küşteriniñ elimizdiñ qorğanıs qabiletin nığaytu men äskerimizdiñ jauıngerlik dayındığın arttıru mäseleleri boyınşa 2017 jılı atqarğan jwmıstarınıñ qorıtındısı jöninde bayandaldı.

Nwrswltan Nazarbaev armiya qwrılğannan bergi 25 jıl işinde aumaqtıq twtastıqtıñ, memlekettiñ ekonomikalıq twrğıdan örkendeui men bedeliniñ nığaya tüsuiniñ kepiline aynalğanın atap ötti.

"Biz biıl memleketimizdiñ äskeri qwrılımınıñ bağıtı men onı äri qaray damıtudıñ mindetteri belgilengen wlttıq qauipsizdik strategiyasın, äskeri doktrinanı, Qarulı Küşterdi damıtudıñ twjırımdamasın bekittik. Osı qwjattardı iske asıru nätijesinde 2020 jılğa qaray Qarulı Küşterimizdiñ quatı äskerimizdiñ jauıngerlik äleuetiniñ artuı esebinen bir jarım ese ösuge tiis. Arnaulı operaciyalar küşiniñ mümkindikteri üş ese artatın boladı", – dedi Qazaqstan Prezidenti.

Sonday-aq, Prezident Qazaqstan Respublikası Qarulı Küşteri kiberäskeriniñ basqaru punktin aralap körip, aqparattıq jüyelerdiñ kiberqorğanısın qamtamasız etudiñ qazirgi mümkindikterimen tanıstı.

“The Qazaq Times”