فوتو: akorda.kz

قر پرەزيدەنتى نۇرسۇلتان نازارباەۆ قورعانىس مينيسترلىگىنىڭ باسشىلىق قۇرامىمەن كەزدەستى، دەپ حابارلايدى، اقوردانىڭ ءباسپاسوز قىزمەتى.

كەزدەسۋ بارىسىندا مەملەكەت باسشىسىنا قازاقستان رەسپۋبليكاسى قارۋلى كۇشتەرىنىڭ ەلىمىزدىڭ قورعانىس قابىلەتىن نىعايتۋ مەن اسكەرىمىزدىڭ جاۋىنگەرلىك دايىندىعىن ارتتىرۋ ماسەلەلەرى بويىنشا 2017 جىلى اتقارعان جۇمىستارىنىڭ قورىتىندىسى جونىندە باياندالدى.

نۇرسۇلتان نازارباەۆ ارميا قۇرىلعاننان بەرگى 25 جىل ىشىندە اۋماقتىق تۇتاستىقتىڭ، مەملەكەتتىڭ ەكونوميكالىق تۇرعىدان وركەندەۋى مەن بەدەلىنىڭ نىعايا ءتۇسۋىنىڭ كەپىلىنە اينالعانىن اتاپ ءوتتى.

ء"بىز بيىل مەملەكەتىمىزدىڭ اسكەري قۇرىلىمىنىڭ باعىتى مەن ونى ءارى قاراي دامىتۋدىڭ مىندەتتەرى بەلگىلەنگەن ۇلتتىق قاۋىپسىزدىك ستراتەگياسىن، اسكەري دوكترينانى، قارۋلى كۇشتەردى دامىتۋدىڭ تۇجىرىمداماسىن بەكىتتىك. وسى قۇجاتتاردى ىسكە اسىرۋ ناتيجەسىندە 2020 جىلعا قاراي قارۋلى كۇشتەرىمىزدىڭ قۋاتى اسكەرىمىزدىڭ جاۋىنگەرلىك الەۋەتىنىڭ ارتۋى ەسەبىنەن ءبىر جارىم ەسە وسۋگە ءتيىس. ارناۋلى وپەراتسيالار كۇشىنىڭ مۇمكىندىكتەرى ءۇش ەسە ارتاتىن بولادى", – دەدى قازاقستان پرەزيدەنتى.

سونداي-اق، پرەزيدەنت قازاقستان رەسپۋبليكاسى قارۋلى كۇشتەرى كيبەراسكەرىنىڭ باسقارۋ پۋنكتىن ارالاپ كورىپ، اقپاراتتىق جۇيەلەردىڭ كيبەرقورعانىسىن قامتاماسىز ەتۋدىڭ قازىرگى مۇمكىندىكتەرىمەن تانىستى.

“The Qazaq Times”