Foto: Almatı qalası äkimdiginiñ baspasöz qızmeti

Almatıda «Almapack Co LTD» JŞS qwrğaq qwrılıs qospaların saluğa arnalğan qağaz qaptardı şığaratın zauıt iske qosıldı, dep habarlaydı Almatı qalası äkimdiginiñ baspasöz qızmeti. 

Bwl, esep boyınşa Almatı Industrialdı aymağınıñ aumağında kartridjder men kün batareyaların şığaratın BRB APK jılıjay keşeni men DOC Co.LTD käsipornınan keyingi iske qosılğan üşinşi nısan.

Qwnı 400 mln teñgeden astam twratın zauıt jılına şamamen 6 mln qağaz qaptarın şığaratın boladı. Bumağa qwrılıs qospaları men wlpalar dayındaytın Qazaqstannıñ iri kompaniyalarınıñ önimderi salınıp buıladı. Almapack önimniñ mölşeri men türleri boyınşa barlığı 300 türin şığarıp otır.  Käsiporın önimdi Qırğızstan, Özbekstan, Täjikstan narıqtarına eksporttaudı közdep otır.

“The Qazaq Times”