Фото: Алматы қаласы әкімдігінің баспасөз қызметі

Алматыда «Almapack Co LTD» ЖШС құрғақ құрылыс қоспаларын салуға арналған қағаз қаптарды шығаратын зауыт іске қосылды, деп хабарлайды Алматы қаласы әкімдігінің баспасөз қызметі. 

Бұл, есеп бойынша Алматы Индустриалды аймағының аумағында картридждер мен күн батареяларын шығаратын BRB APK жылыжай кешені мен DOC Co.LTD кәсіпорнынан кейінгі іске қосылған үшінші нысан.

Құны 400 млн теңгеден астам тұратын зауыт жылына шамамен 6 млн қағаз қаптарын шығаратын болады. Бумаға құрылыс қоспалары мен ұлпалар дайындайтын Қазақстанның ірі компанияларының өнімдері салынып буылады. Almapack өнімнің мөлшері мен түрлері бойынша барлығы 300 түрін шығарып отыр.  Кәсіпорын өнімді Қырғызстан, Өзбекстан, Тәжікстан нарықтарына экспорттауды көздеп отыр.

“The Qazaq Times”