Foto: Reuters

Kreml' Oppoziciya basşısı Aleksey Naval'nıydıñ qoldauşılarımen birge dauıs beru procesine boykot jariyalaytını turalı mälimdemesiniñ zañdılığın tekseru kerektigin ayttı. Naval'nıy 2018 jıldıñ naurızında ötetin prezident saylauınan şettetilse osınday äreketke baratının mälimdegen. Sarapşılar bolsa Kreml'diñ bwl mälimdemesi Aleksey Naval'nıyğa jasalğan eskertu dep bağaladı. Bwl turalı VVS aqparattıq agenttigi jazdı. 

Reseydiñ memleket basşısı Vladimir Putin  Prezident saylauına qatısatını resmi türde jariyalandı.  Mäskeude onı qoldau üşin jinalğan 500-ge juıq änşi, sportşı jäne özge de mädeni qayratkerlerdiñ qatısuımen ötken jiınğa Prezident öziniñ qauırt jwmısın alğa tartıp, qatıspadı. Jaqın künderi ol kandidat esebinde tirkelu üşin, Ortalıq saylau kommissiyasına qwjattarın tapsıradı.

Osı aptanıñ basında Ortalıq saylau kommissiyası Aleksey Naval'nıydıñ saylauğa qatısuına rwqsat bermeu turalı şeşim qabıldadı. Ol Putinniñ jalğız qarsılasınsız ötetin saylau milliondağan reseylikterdi tañdau qwqığınan ayıratının aytıp, memleket basşısı lauazımına talas ädil ötetinine kümän keltirdi. Ol qoldauşıların saylauğa boykot jariyalap, dauıs beruşilerdiñ qarsılığın wyımdastıruğa şaqırdı.

Kreml'diñ baspasöz hatşısı Dmitriy Peskov: "Halıqtı boykotqa şaqırudıñ zañğa säykestigin mwqiyat tekseru kerek", - dedi. Vladimir Putin osığan deyin  Aleksey Naval'nıydı naqtı bağdarlaması joq, eldi haosqa bastaytın twlğa retinde sipattağan edi. Resey Prezidenti bwl jolı saylauğa "Edinaya Rossiya" partiyası atınan emes, jeke kandidat esebinde qatısatın boladı. VVS tilşisi bwl şeşimdi halıqtıñ arasında bileuşi partiyanı qoldau deñgeyiniñ tömen boluına baylanıstı, oğan qarsı jağımsız közqarastan arılıp, jeke dara jeñiske jetudiñ jolı dep köredi.

Euroodaq Aleksey Naval'nıydı saylauğa qatıstırmau, onıñ ädil ötetindigine degen senimdi azaytatının jetkizdi. Jemqorlıqqa qarsı narazılıq şerulerin wyımdastıruşı Aleksey Naval'nıyğa osıdan bwrın "qarjı közderin asıra paydalanğan" degen ayıppen 5 jıl şarttı merzimde jaza öteuge  ükim şığarılğan.

“The Qazaq Times”