Фото: Шарий.net

Ресей астанасы Мәскеуде оппозициялық саясаткер Алексей Навальный ұсталды - деп хабарлайды Интерфакс ақпарат агенттігі Навальныйдың Instagram парақшасына сілтеме жасап.

Оппозициялық саясаткер Алексей Навальныйды мәскеулік полиция қызметкерлері қыркүйектің 29-ы күні Нижний Новгород қаласында өтетін шеруге бара жатқан жолда ұстаған. Дониловск аудандық ІІБ-ның баспасөз қызметі таратқан мәлімет бойынша, құқық қорғау органдарының қызметкерлері Навальныйды "халықты заңсыз шерулерге шақырғаны үшін" ұстаған.

Ал Алексей Навальныйдың өзі Instagram парақшасына: «Шал Путин менің Нижний Новгородтағы шеруге қатысуымды қаламайды. Мені вокзалға барайын деп үйімнен шыққан бетте ұстады. Барлығы кинодағыдай болды» - деп жазған.

Естеріңізге салайық, Алексей Навальный 2017 жылдың наурыз айында Ресей премьер-министрі Дмитрий Медведевтің иелігіндегі дүние-мүлкі жайында «Это вам не Димон» атты бейнеролик түсірген болатын. Аталмыш видео Youtube желісінде қызу талқыланып, 24 миллионан астам адам көрген. Осыдан кейін Медведевтің Ресей халқы арасындағы рейтингі күрт төмендеген.

“The Qazaq Times”