Foto: Luchshiye

Amerikalıq bank bwğat qoyğan Wlttıq qordıñ qarjısı Qazaqstannıñ jeke menşigi bolıp qala beredi. Bwl turalı Ädilet ministri Marat Beketaev mälimdedi. Alayda aldağı uaqıtta bwl aktivterdi satu nemese ötkizu jüzege asırılmaydı.  

Ministrdiñ sözinşe, Wlttıq qordı basqaruşı Wlttıq bank qajetti sayasattı jürgizedi.

"Eşkim 22 milliardtı ala almaydı. Biraq biz tipti daulı somanı bergimiz kelmeydi, öytkeni arbitrajdıq şeşim alayaqtıq jolmen alınğan dep esepteymiz. Osı jıldıñ basında barlıq qwjattar men dälelderdi ağılşın sotına berdik. Ağılşın sotı bizdi qoldap, alayaqtıq faktileri bar ekenin aytıp, London sotında qarau kerektigi turalı bwyrıq berdi. Tıñdaular 2018 jıldıñ qazan ayına belgilendi", - dedi Beketaev Ükimet otırısınıñ kluarında.

Osı mäselege qatıstı Wlttıq bank törağası da jauap berdi. Onıñ sözinşe, Wlttıq qordı basqaruşı qarjı institutı bwl qarjını sırtqı basqaruşı wyımdarğa ornalastıradı. Basqarudıñ qwrılımın tüsindirgen ol,  qarjı birneşe kastodian bankterde ornalastırılatının aytadı.

"Kastodian bank - bwl Wlttıq qor salğan barlıq qarjı qwraldarın esepke alu jäne saqtau boyınşa arnayı funkciyalardı orındaytın bank, sonday-aq sol boyınşa esep jürgizedi. YAğni bwl degenimiz birneşe kastodian boluı mümkin, tiisinşe Wlttıq qor boyınşa da birneşeui boladı. Al Bel'giyadağı kastodian bank - The Bank of New York Mellon. Qazirgi uaqıtta onda şağımğa baylanıstı bwğattalğan 22 milliard AQŞ dolları jatır. Ökinişke oray,  şağım soması bwğattalğan qarjı somasımen säykes kelmeydi. Bizdiñ ükimet pen zañ keñesşileri birneşe ret aytqan. Negizinen täjiribe tüsinikti, biz zañ boyınşa bwl şeşimge narazılıq bildirdik", - dedi Daniyar Aqışev.

Ayta keteyik, 21 jeltoqsanda amerikalıq Bank of New York Mellon sot isine baylanıstı Qazaqstan Wlttıq qorınıñ 22 mlrd dollarına bwğat qoyğanı turalı aqparat tarağan. Wlttıq qor qarjısınıñ bwğattaluına moldovalıq biznesmen Anatoliy Statidiñ arızı sebep bolğanQazirgi uaqıtta Qazaqstannıñ Wlttıq banki  BNY Mellon-ğa qarsı şağım tüsirgen.

“The Qazaq Times”