Photo: express-k.kz

Nwrswltan Nazarbaev «Men jeke öz basım osı uaqıtqa deyin bir de bir ret Qırğızstan tarapına jaman söz aytqan joqpın» - dep mälimdedi.

Bügin Astanada Qırğızstan prezidenti Sooronbay Jeenbekovtı qabıldağan Nwrswltan Nazarbaev kezdesu barısında qazaq-qırğız qarım-qatınası jayında äñgime qozğadı. Ol onda: «Biz sizdi küttik. Kelgeniñizge quanıştımız. Qazaqstan tarapı siz bastağan Qırğızstan delegaciyasınıñ barlıq swraqtarın şeşuge dayın. Bizdiñ Täuelsiz el atanğanımızğa 26 jıl boldı. Osı uaqıt aralığında men bir de bir ret Qırğızstan tarapına jaman söz aytqan emespin. Bwl dwrıs ta. Sebebi biz kelemiz, ketemiz, al eki el bizge deyin de bolğan, bizden keyin de boladı» - degen.

Al Sooronbay Jeenbekov öz kezeginde: «Meni Qazaqstanğa resmi is-saparmen şaqırğanıñızğa ülken rahmet aytamın. Wşaq qona salısımen bizdi öte jılı qarsı aldı. Men prezident bolıp saylanğanımda siz mağan qwttıqtau hatın joldadıñız. Osı sätti paydalanıp men sizge rahmet aytqım keledi. Siz bizdiñ aqsaqalımızsız, ülken ağamızsız. Qazaq pen qırğız bauırlas halıq. Bizdiñ jerimiz bir, jolımız bir. Biz bir bastaudan su işip otırmız. Men bizdiñ strategiyalıq äriptestigimizdi küşeytu üşin bar küş-jigerimdi salamın» - degen.

Esteriñizge salayıq, bügin Qırğızstan prezidenti Sooronbay Jeenbekov Nwrswltan Nazarbaevtıñ şaqırtuımen Astanağa resmi is-saparmen kelgen bolatın. Bwğan deyin eki el basşıları qaraşa ayınıñ ayağında Belarus' astanası Minsk qalasında kezdesken. Atalmış kezdesuden keyin qazaq-qırğız şekarasındağı dau şeşilip, Qazaqstan men Qırğızstan keden qızmetin retke keltiretin «jol kartası» qabıldanğan.

“The Qazaq Times”