Foto: Ratel.kz

2017 jıldıñ basınan beri qazaqstandıqtardıñ zeynetaqı jinaqtarı 13,4%-ğa ösip, qazan ayınıñ soñında 7,6 trln teñgeni qwrağan. Bwl turalı Ranking saraptama agenttigi habarlap otır.

Qazan ayında zeynetaqı jinaqtarı 0,6% jäne 43,3 mlrd teñgege köbeygen. Osı jılı zeynetaqı jinaqtarınıñ eñ köp mölşeri tamız ayında audarılğan nemese 153,3 mlrd teñge boldı.

Birıñğay jinaqtauşı zeynetaqı qorına tüsken tüsimder 10 ayda 1,1 trln teñgeni qwradı jäne bwl 2016 jıldıñ osı kezeñimen salıstırğanda  19,5%-ğa (181,4 mlrd teñgege) artıq. Negizgi tüsimder, yağni 97%-ı mindetti jarnalar men investiciyalıq audarmalar esebinen bolğan.

Mindetti jarnalar kölemi 2017 jıldıñ qañtar-qazan ayında 584,8 mlrd teñgeni qwrağan jäne bir jıl işinde körsetkiş 48,7%-ğa (191,5 mlrd teñge) köbeygen.

Degenmen investiciyalıq kiris soñğı eki jıl qatarınan tömendegen. Osı jıldıñ qañtar-qazan ayında investiciyalıq kiris 497,3 mlrd teñge bolğan jäne 2016 jıldıñ säykes kezeñine qarağanda 2,4%-ğa (12,1 mlrd teñge) tömen.

Zeynetaqı qorına tüsken basqa da tüsimder jalpı tüsimniñ 3%-ın qwraydı. Onıñ işinde mindetti käsibi zeynetaqı jarnalardıñ ülesi 29,3 mlrd teñge jäne 9,6%-dı qwraydı. Erikti zeynetaqı jarna kölemi bir jılda 56,4%-ğa nemese 364,9 mln teñgege deyin köbeygen.

Ayta keteyik, qaraşa ayınıñ basında Mäjilis deputatı Ayqın Qoñırov zeynetaqı jinaqtarınıñ kirisi tömen ekeni jäne onıñ ösimi inflyaciya deñgeyinen tömen ekenin aytqan. Onıñ sözinşe, zeynetaqı kirisi men inflyaciya arasındağı ayırmaşılıq wlğaya beredi.

BJZQ saytında jariyalanğan soñğı mälimetterge qarağanda, zeytenaqı jinaqtarınıñ kirisi  7,15%-ğa teñ al inflyaciya kölemi  eseptik kezeñde 6,3% bolğan. Alayda zeynetaqı kirisi inflyaciyadan tek 0,85%-,a artıq bolıp otır.