Jer şarınıñ halqı bir jılda 83 million adamğa köbeydi

Jer şarınıñ halqı bir jılda 83 million adamğa köbeydi – dep habarlaydı «Jer twrğındarı» sarapşılar qorı.

Qor sarapşılarınıñ boljamı boyınşa, 2018 jılı qañtar ayınıñ 1-i küni jer betindegi halıq sanı 7 591 541 000 milliardqa jetedi. Ötken jılman salıstırğanda 2017 jılı jer halqınıñ sanı 83 million adamğa köbeygen.

Zertteu nätijeleri boyınşa, qazirgi tañda är 1 sekund sayın jer şarınıñ halqı 2,6 adamğa köbeyude. Halıq sanınıñ ösu qarqını jağınan Afirka köş bastap twr. Birikken Wlttar Wyımınıñ mälimetinşe, 2050 jılğa qaray Afrika qwrlığınıñ halıq sanı 1,26 mlrd adamnan 2,53 mlrd adamğa deyin ösedi. Bwl halıqaralıq wyımdardıñ alañdauşılığın tuğızuda. Öytkeni onsızda aştıq pen aurudan köz aşpay kele jatqan Afirka elderiniñ twrmıs deñgeyi halıq sanınıñ köbeyuimen odan sayın naşarlap ketui mümkin.

Al AQŞ-tıñ «Pew Research Center» äleumettanu orlalığınıñ zertteuleri boyınşa, 2050 jılğa qaray Europalıq Odaq halqınıñ 14 payızın mwsılmandar qwraytın boladı. Bwğan sebep europa elderiniñ Süriya, Irak, Liviya siyaqtı memleketterdiñ halqın bosqındar retinde esepsiz qabıldauında.

Jalpı bwğan deyin halıqaralıq wyımdar 2050 jılı jer şarınıñ halqı 10 milliardqa jetetin boladı degen boljam aytqan bolatın.

“The Qazaq Times”