جەر شارىنىڭ حالقى ءبىر جىلدا 83 ميلليون ادامعا كوبەيدى

جەر شارىنىڭ حالقى ءبىر جىلدا 83 ميلليون ادامعا كوبەيدى – دەپ حابارلايدى «جەر تۇرعىندارى» ساراپشىلار قورى.

قور ساراپشىلارىنىڭ بولجامى بويىنشا، 2018 جىلى قاڭتار ايىنىڭ 1-ءى كۇنى جەر بەتىندەگى حالىق سانى 7 591 541 000 ميللياردقا جەتەدى. وتكەن جىلمان سالىستىرعاندا 2017 جىلى جەر حالقىنىڭ سانى 83 ميلليون ادامعا كوبەيگەن.

زەرتتەۋ ناتيجەلەرى بويىنشا، قازىرگى تاڭدا ءار 1 سەكۋند سايىن جەر شارىنىڭ حالقى 2,6 ادامعا كوبەيۋدە. حالىق سانىنىڭ ءوسۋ قارقىنى جاعىنان افيركا كوش باستاپ تۇر. بىرىككەن ۇلتتار ۇيىمىنىڭ مالىمەتىنشە، 2050 جىلعا قاراي افريكا قۇرلىعىنىڭ حالىق سانى 1,26 ملرد ادامنان 2,53 ملرد ادامعا دەيىن وسەدى. بۇل حالىقارالىق ۇيىمداردىڭ الاڭداۋشىلىعىن تۋعىزۋدا. ويتكەنى ونسىزدا اشتىق پەن اۋرۋدان كوز اشپاي كەلە جاتقان افيركا ەلدەرىنىڭ تۇرمىس دەڭگەيى حالىق سانىنىڭ كوبەيۋىمەن ودان سايىن ناشارلاپ كەتۋى مۇمكىن.

ال اقش-تىڭ «Pew Research Center» الەۋمەتتانۋ ورلالىعىنىڭ زەرتتەۋلەرى بويىنشا، 2050 جىلعا قاراي ەۋروپالىق وداق حالقىنىڭ 14 پايىزىن مۇسىلماندار قۇرايتىن بولادى. بۇعان سەبەپ ەۋروپا ەلدەرىنىڭ ءسۇريا، يراك، ليۆيا سياقتى مەملەكەتتەردىڭ حالقىن بوسقىندار رەتىندە ەسەپسىز قابىلداۋىندا.

جالپى بۇعان دەيىن حالىقارالىق ۇيىمدار 2050 جىلى جەر شارىنىڭ حالقى 10 ميللياردقا جەتەتىن بولادى دەگەن بولجام ايتقان بولاتىن.

“The Qazaq Times”