Photo: Akorda

Qırğızstan prezidenti Sooronbay Jeenekovtıñ Qazaqstanğa resmi is-saparmen qay küni keletini belgili boldı.

Qırğızstan prezident äkimşiliginiñ sırtqı sayasat böliminiñ basşısı Ayzada Subaqojoevanıñ sözinşe, Sooronbay Jeenbekov jeltosqan ayınıñ 25-26 künderi aralığında Qazaqstanğa resmi is-saparmen keledi.

Bwğan deyin Qırğızstan basşısı Sooronbay Jeenbekov pen Qazaqstan prezidenti Nwrswltan Nazarbaev qaraşa ayınıñ 30-ı küni Minsk qalasında WQŞW (ODKB) otırısı ayasında kezdesken. Atalmış kezdesu barısında eki el basşıları qazaq-qırğız şekarasındağı mäselelerdi talqılap, Qazaqstan men Qırğızstan arasındağı keden qızmetin retteuge baylanıstı «jol kartasın» qabıldağan.

Sooronbay Jeenbekovtıñ Qazaqstanğa is-saparı kezinde qazaq-qırğız şekarasın demorkaciyalauğa baylanıstı qwjattarğa qol qoyıladı dep kütilude. Sooronbay Jeenbekov Nwrswltan Nazarbaevtan bölek, prem'er-ministr Baqıtjan Sağıntaevpen de kezdesedi dep josparlanuda.

“The Qazaq Times”