Photo: Akorda

قىرعىزستان پرەزيدەنتى سوورونباي جەەنەكوۆتىڭ قازاقستانعا رەسمي ءىس-ساپارمەن قاي كۇنى كەلەتىنى بەلگىلى بولدى.

قىرعىزستان پرەزيدەنت اكىمشىلىگىنىڭ سىرتقى ساياسات ءبولىمىنىڭ باسشىسى ايزادا سۋباقوجوەۆانىڭ سوزىنشە، سوورونباي جەەنبەكوۆ جەلتوسقان ايىنىڭ 25-26 كۇندەرى ارالىعىندا قازاقستانعا رەسمي ءىس-ساپارمەن كەلەدى.

بۇعان دەيىن قىرعىزستان باسشىسى سوورونباي جەەنبەكوۆ پەن قازاقستان پرەزيدەنتى نۇرسۇلتان نازارباەۆ قاراشا ايىنىڭ 30-ى كۇنى مينسك قالاسىندا ۇقشۇ (ودكب) وتىرىسى اياسىندا كەزدەسكەن. اتالمىش كەزدەسۋ بارىسىندا ەكى ەل باسشىلارى قازاق-قىرعىز شەكاراسىنداعى ماسەلەلەردى تالقىلاپ، قازاقستان مەن قىرعىزستان اراسىنداعى كەدەن قىزمەتىن رەتتەۋگە بايلانىستى «جول كارتاسىن» قابىلداعان.

سوورونباي جەەنبەكوۆتىڭ قازاقستانعا ءىس-ساپارى كەزىندە قازاق-قىرعىز شەكاراسىن دەموركاتسيالاۋعا بايلانىستى قۇجاتتارعا قول قويىلادى دەپ كۇتىلۋدە. سوورونباي جەەنبەكوۆ نۇرسۇلتان نازارباەۆتان بولەك، پرەمەر-مينيستر باقىتجان ساعىنتاەۆپەن دە كەزدەسەدى دەپ جوسپارلانۋدا.

“The Qazaq Times”