Qırğızstan 15 jeltoqsannan bastap Özbekstanğa elektr energiyasın tasımalday bastadı.

«Özbekenergo» kompaniyası taratqan mälimet boyınşa, Qırğızstan tarapı Özbekstanğa naurız ayına deyin sağatına 500 million kVt elektr energiyasın tasımaldamaq. Qazirgi tañda bwl körsetkiş sağatına 3,7 million kVt qwraydı. Qırğızstannıñ Özbekstanğa elektr energiyasın tasımaldauğa baylanıstı qwjattarğa qazan ayınıñ 5-si küni sol kezdegi Qırğızstan prezidenti Almazbek Atambaevtıñ Taşkentke is-saparı kezinde qol qoyğan.

Jalpı Özbekstannıñ elektr energiya jelileri Qırğızstannan bölek, Qazaqstan, Resey jäne özge de TMD elderimen baylanıstı. Mısalı: Taşkent jılu elektr stanciyası Qazaqstan men Özbekstan arasındağı energetikalıq jüyelerdi baylanıstırıp twr.

Esteriñizge salayıq, Qazaqstan 2011 jılğa deyin Qırğızstannan jılına 77,23 million dollarğa 2,5 mln kVt elektr energiyasın satıp alıp kelgen. Biraq bwl körsetkiş jıl ötken sayın tömendep, 2014 jıldan bastap kerisinşe Qazaqstan Qırğızstanğa elektr energiyasın eksporttaytın bolğan.

“The Qazaq Times”