Қырғызстан 15 желтоқсаннан бастап Өзбекстанға электр энергиясын тасымалдай бастады.

«Өзбекэнерго» компаниясы таратқан мәлімет бойынша, Қырғызстан тарапы Өзбекстанға наурыз айына дейін сағатына 500 миллион кВт электр энергиясын тасымалдамақ. Қазіргі таңда бұл көрсеткіш сағатына 3,7 миллион кВт құрайды. Қырғызстанның Өзбекстанға электр энергиясын тасымалдауға байланысты құжаттарға қазан айының 5-сі күні сол кездегі Қырғызстан президенті Алмазбек Атамбаевтың Ташкентке іс-сапары кезінде қол қойған.

Жалпы Өзбекстанның электр энергия желілері Қырғызстаннан бөлек, Қазақстан, Ресей және өзге де ТМД елдерімен байланысты. Мысалы: Ташкент жылу электр станциясы Қазақстан мен Өзбекстан арасындағы энергетикалық жүйелерді байланыстырып тұр.

Естеріңізге салайық, Қазақстан 2011 жылға дейін Қырғызстаннан жылына 77,23 миллион долларға 2,5 млн кВт электр энергиясын сатып алып келген. Бірақ бұл көрсеткіш жыл өткен сайын төмендеп, 2014 жылдан бастап керісінше Қазақстан Қырғызстанға электр энергиясын экспорттайтын болған.

“The Qazaq Times”