Foto: dailysabah.com

Resey BWW Qauipsizdik keñesiniñ Süriyağa gumanitarlıq kömek jetkizudi jalğastıru turalı wsınısına dauıs beruden qalıs qaldı. Mäskeudiñ pikirinşe, Süriyağa gumanitarlıq kömek beru birtindep qısqartıluı tiis. Resey, Qıtay, Boliviyağa qarsı qalğan 12 memleket qoldağan wsınıs qabıldanıp, Süriya halqı älem elderiniñ birlesken küşimen jetkiziletin kömekten qağılmaytın boldı. Bwl turalı AFP aqparattıq agenttigi jazdı. 

Resey bwl jolı wsınıstıñ qabıldanuına tübegeyli tosqauıl bolatın veto qwqığın paydalanğan joq. Ötken aydağı  BWW  Qauipsizdik keñesiniñ Süriya Ükimetiniñ himiyalıq qaru qoldanğanın anıqtauğa arnalğan zertteu jürgizu jönindegi bastamasına veto qoyğan edi. Jalpı alğanda, Resey Süriyadağı seriktesi Başar Asadtı qoldau üşin BWW Qauipsizdik keñesinde öziniñ veto qwqığın 11 ret paydalanğan.

BWW wsınğan resmi derekterge säykes, jetinşi jıl qatarınan soğıs örti şarpığan Süriyada 13 mln halıq gumanitarlıq kömekke mwqtaj. Resey elşisiniñ orınbasarı Vladimir Safronkovtıñ aytuınşa, gumanitarlıq kömekti Iordaniya Ükimeti men Damaskige eskertpey erkin alıp kire beruge mümkindik beretin qazirgi jüye Süriyanıñ täuelsizdigine nwqsan keltiredi.

“The Qazaq Times”