M'yanmada qırğınşılıqqa wşırağan mwsılmandar. Foto: golosislama.

Osığan deyin M'yanma eliniñ qarulı küşteri rohindja mwsılmandarına jasalğan qırğınnan 400 adamnıñ öltirilgenin, olardıñ basım köbi terrorlıq toptıñ müşeleri ekenin aytqan edi. Biraq, jaqında Şekarasız Därigerler Wyımı tekserip, anıqtau jwmısınıñ nätijesin jariyalap, M'yanma resmileriniñ mälimetin teriske şığardı. Bwl turalı BBC-diñ resmi saytı habarladı.

Atalğan wyım Bangladeşke bas sauğalağan rohinjalardıñ sanın 647 mıñ adam dep twraqtandırğan. Sonımen birge wyım tekseru arqılı 25 tamız ben 24 qırküyek aralığında 9 mıñ rohindja mwsılmanınıñ qaza bolğanın anıqtadı. Onıñ işinde 730 balanı qamtığan 6700 adam M'yanma qarulı küşteriniñ qolınan qaza tapqan. Qalğanı Bangladeş pen M'yanma şekarasında suğa ketken, auırudan nemese türli sebeptermen köz jwmğan.

Jurnalisterdiñ bosqındarmen bolğan swhbattarında adam qwqıqtarınıñ auır därejede bwzılğanı turalı anıq mälimetter bar. Rohindja mwsılmandarınıñ qauipsizdik qızmetkerleri jağınan zorlıq-zombılıqqa wşırağanı turalı da mälimetter köptep tabıladı. Bosqındardıñ bäri derlik zwlımdıq äreketterden üreylenip, Bangladeşke eriksiz jansauğalağanın aytadı.

Şekarasız Därigerler Wyımı M'yanma armiyasınıñ qarulı operaciyaları asa qatañ jürgizilgenin aytuda. Sondıqtan atalmış wyım Halıqaralıq qılmıstıq sot adam qwqıqtarınıñ bwzılğanı turalı tergeu jürgizui kerek dep qaraydı. Biraq M'yanma ükimeti Halıqaralıq sottıñ tergeuin qabıl almauı mümkin.

“The Qazaq Times”