Resey prezidenti Vladimir Putin «Ukraina men Reseydiñ arasına ot saldı» - dep mälimdedi.

Jeltoqsan ayınıñ 14-i küni Resey basşısı Vladimir Putin baspasöz mäslihatın ötkizdi. Ol onda Ukraina jurnalisiniñ «Siz öziñizdiñ üşinşi prezidenttik merzimiñizdi ayaqtap jatırsız. Alda kele jatqan saylauda halıq sizge dauıs bermey qoyuı da mümkin. Osığan baylanıstı siz Donbassta twtqınğa tüsken reseylikterdi qaytarıp alğıñız kelmey me? Eger prezident saylauında jeñiske jetseñiz aldağı uaqıtta da Donbassqa baylanıstı absurttı sayasat wstanuıñızdı jalğastıra beresiz be?» degen swrağına: «Donbassta bolıp jatqan jağdaydıñ tragediya ekendigi sözsiz. Men onımen tolıqtay kelisemin. Biraq qay uaqıtta bolmasın kez kelgen tragediyanıñ neden şıqqanına qarau kerek. Bwl tragediyanıñ bastauı qarulı, Konstituciyağa qarsı, memlekettik töñkeris. Bwğan Ukraina halqınıñ jartısı qarsı şıqtı jäne küresti. Al ol qarsı şıqqandardı el biligi demokratiyalıq jolmen emes arnayı qızmetter arqılı, äskeri küş körsetu arqılı basıp, janşuğa tırıstı. Donbass aumağında Resey äskeri joq. Biraq Donbassqa qarsı jürgiziletin kez kelgen şabuıldı toytara alatın armiya qwrıldı. Köptegen adamdar Ukraina öz betimen damuı kerek dep esepteydi. Ol dwrısta şığar. Oğan qarsı şığudıñ qajeti joq. Biraq qazirgi tañda älem basqa bağıtta damuda. Bizdi, Resey men Ukrainanı ekige bölip aldı. Sosın aramızğa ot saldı» - dep jauap bergen.

“The Qazaq Times”