Tramp immigraciyanı şekteu sayasatın jolğa qoyğısı keledi. Foto: Deadline.

AQŞ prezidenti Donal'd Tramp, düysenbi küni N'yu-Yorktegi terrorlıq şabuıldan keyin, AQŞ-tıñ immigraciya jüyesine mwqiyat reforma jasau qajettigin, otbasılıq qatınastardı negizge ala otırıp immigraciya sayasatın jüzege asıru kerektigin alğa tarttı. Bwl turalı «WSJ» basılımı habarladı.

Tramptıñ mälimdeuinşe, düysenbi küni bolğan terrorlıq şabuıldı wyımdastıruşılar AQŞ-qa immigraciyalıq jolmen kirip, eldiñ wlttıq qauipsizdigine qarsı äreket etken. Küdikti Aqayad Uollah 2011 jılı Bangladeşten Amerika Qwrama Ştattarına qonıs audarğan. Ol AQŞ azamatınıñ jaqın tuısqanı retinde viza alğan, äri zañdı twraqtı rezident bolıp sanaladı.

Soñğı aptalarda «tizbekti köşip kelu» mäselesi Respublikaşıldar partiyası üşin eñ bastı talqı taqırıbına aynaldı. Köptegen respublikalıq partiyanıñ zañ şığaruşı ökilderi osı maqsatqa qol jetkizudi «Dreamer» dep atalatın zañdastırumen jüzege asıruğa boladı dep qaraydı. «Dreamer» degen atau AQŞ-qa bala küninde kelgen jäne sodan beri zañsız twrıp kele jatqan adamdarğa qaratılğan.

Tramptıñ aytuınşa onıñ üşinşi retki sayahatqa tiim saul erejeleri qauipsizdikti qamtamasız etuge köp jeñildikter alıp keledi. Esteriñizde bolsa bwl tiım salu erejesine altı mwsılman eli men Soltüstik Koreya jäne Venesuelanıñ keybir resmi twlğaları kirgen edi. Tramp Kongrestiñ otbasılıq qarım-qatınas arqılı AQŞ-qa keluşilerdi şekteytin zañ jobasın maqwldauın talap etude. Bwl sayahatqa tiım salu erejesinde Bangladeş qamtılmağan.

AQŞ İşki qauipsizdik departamentiniñ hatşısı Kirsten Nil'sen mälimdemesinde, Tramp ükimeti Qwrama Ştattağı kez-kelgen terroristik küşterge qarsı küres jürgizbek. Ol jäne İşki qauipsizdik departamenti N'yu-Yorktegi terrorlıq şabuıldı tekseruge aralasatın boladı.

“The Qazaq Times”