Almatı qalasındağı M. Äuezov atındağı qazaq memlekettik akademiyalıq drama teatrında «Tokio saparına» arnalğan baspasöz konferenciyası ötti.

Konferenciya QR Prezidenti Nwrswltan Nazarbaevtıñ «Ruhani jañğıru» bağdarlamasınıñ «Jahandağı zamanaui qazaqstandıq mädeniet» attı Halıqaralıq jobası ayasında QR Mädeniet jäne sport ministrliginiñ tikeley qoldauımen ötip otır.

Baspasöz konferenciyasına teatr direktorı, Qazaqstannıñ eñbek siñirgen qayratkeri Erlan Biläl, teatr direktorınıñ keñesşisi, Qazaqstannıñ halıq ärtisi, professor Esmwhan Obaev, Qazaqstannıñ halıq ärtisi, Memlekettik sıylıqtıñ laureatı Säbit Orazbaev, teatrdıñ «Ädebiet böliminiñ» meñgeruşisi, Halıqaralıq «Alaş» sıylığınıñ laureatı  Äliya Böpejanova, jazuşı-dramaturg, «Aqtastağı Ahiko» dramasınıñ avtorı Madina Omarova qatıstı. Jiınnıñ moderatorı teatrdıñ «Baspasöz qızmeti» böliminiñ jetekşisi, Halıqaralıq «Alaş» ädebi sıylığınıñ laureatı Baqıt Bedelhan boldı.

Basqosuda teatr wjımınıñ 19-26 jeltoqsan aralığında  Tokioda ötetin  gastrol'dik saparı jaylı söz qozğaldı. İs-sapardıñ maqsatı – qazaq  teatrlarınıñ märtebesin köterip, wlttıq qwndılıqtarımız ben jädigerlerimizdi wlıqtap, älemniñ eñ damığan memleketterinde tanıtu.

Äkemteatr wjımı «Tokio saparında» repertuardağı M.Omarovanıñ «Aqtastağı Ahiko» dramasın (rej.A.Maemirov) jäne «Wlı dala eli» attı Wlt ruhaniyatın wlıqtaytın koncerttik bağdarlamanı japondıqtardıñ nazarına wsınadı. Sonımen birge, teatr muzeyinen orın alğan qwndı jädigerlerimiz ben wlttıq qwndılıqtarımızdı tanıtatın körme de wyımdastırıladı.

“The Qazaq Times”