AQŞ Eñ joğarı sotı. Foto: WSJ.

Qwrama Ştattıñ Eñ joğarı sotı düysenbi küni şeşim şığarıp, Tramp ükimeti jolğa qoyğan keybir elderdiñ azamattarın AQŞ-qa kiruine şekteu jönindegi qararın maqwldadı. Osığan deyin AQŞ-tağı birqatar tömengi sottar kedergi bolıp kelgen qararğa, joğarı sot şeşimi Aq üyge ülken qoldau berip otır. Joğarı sot ükimetke tiım saluğa rwqsat beru turalı qısqa jazbaşa wyğarımın şığardı. Bwl turalı “WSJ” basılımı habarladı.

Qwrama Ştat prezidenti Donal'd Tramp 24 qırküyek küni jariyalağan mälimetinde, wlttıq qauipsizdikti qamtamasız etu maqsatında, segiz eldiñ azamattarına AQŞ-qa sayahattap kiruine şekteu qoyğan. Olar: Çad, Iran, Liviya, Somali, Siriya jäne Yemen siyaqtı 6 mwsılman elmen qatar, Soltüstik Koreya azamattarı jäne Venesuelanıñ keybir ükimet ökilderine qaratılğan. Bwl Tramptıñ üşinşi ret jariyalağan şekteu sayasatı.

Joğarğı sottıñ qaulısı boyınşa, Tramp ükimeti şekteu sayasatı negizinde Joğarı sotqa wlttıq qauipsizdik talaptarın qanağattandırudıñ naqtı joldarın joldauı kerek. Joğarı sot tarabı onı qayta qarap, aldağı uaqıtta tolıq bekitilgen qarardı jariya etedi.

“The Qazaq Times”