Qazaqstanda 5 äskeri sot taratılıp, 34 sud'ya qızmetinen ketti. Bwl turalı Joğarı sot keñesiniñ törağası Talğat Donaqov mälimdedi.

Joğarı sot keñesi nätijesinde Aqtau, Qarağandı, Qostanay, Taldıqorğan, Öskemen garnizondarına qarasıt äskeri sottar taratılğan. Ondağı ştattıq lauazımdar jergilikti sottarğa auıstırıladı. Sonımen qatar, keñeste QR Joğarğı sotınıñ qılmıstıq ister jönindegi Alqasınıñ törağası lauazımına ümitkerdiñ kandidaturası maqwldandı.

Joğarı sot taratqan habarlamada: «Bwdan bölek, 34 sud'ya türli sebeptermen atqarıp jatqan qızmetinen bosatılatın boldı. Onıñ işinde 17-si sud'ya bolıp qala beredi jäne basqa lauazımdarğa tağayındaladı. Keñes otırısında sonday-aq Joğarğı sot janındağı Sot töreligin jüzege asıru sapası jönindegi komissiya şeşimderine jäne Sot jyuriiniñ şeşimderine sud'yalardan tüsken 6 şağım qaraldı. Olardı qarau boyınşa 2 sud'yanıñ şağımdarı qanağattandırılıp, qalğan 4 sud'ya boyınşa şeşim öz küşinde qaldı» – delingen.

 

"The Qazaq Times"