Foto: Chinese Culture University

Tayvan' taularında  kempirqosaqtıñ şıqqan uaqıtı toğız sağatqa sozılğan. Jauınnan keyin birneşe minutqa ğana sozılatın tamaşa qwbılıstı jergilikti halıq birneşe sağat boyı tamaşalağan. Qıtay mädenieti universitetiniñ professorları men studentteri tüsirgen beynejazbalar men suretter erekşe qwbılıstıñ 06.57-15.55 aralığında bolğanın anıqtağan. Bwl turalı VVS aqparattıq agenttigi jazdı. 

Eger bwl derekter negizge alınıp, rastalatın bolsa, onda osığan deyin tirkelgen rekord jañartıluı mümkin. Tarihtağı eñ wzaq uaqıtqa sozılğan kempirqosaq 1994 jılı 14 naurızda Wlıbritaniyanıñ Yorkşir qalasında köringen. Ol 09.00-15.00 aralığında altı sağatqa sozılğan.

Qıtay mädenieti universitetiniñ oqıtuşılıq qwramı jäne studentteriniñ qatısuımen jinaqtalğan 10 mıñğa juıq suret jäne özge de derekter Ginnestiñ rekordtar kitabına wsınıladı.

“The Qazaq Times”