Foto: Nensi Pelosidıñ twitter paraqşasınan

AQŞ  Ökilder palatasınıñ spikeri Nensi Pelosi Tayuanğa (Tayvan) keldi. Bwl turalı nytimes.com habarladı.

Tayuannıñ ortalıq aqparat agenttiginiñ habarlamasına qarağanda spiker erteñ tañerteñ Tayuan prezidenti Say Iñvınmen kezdesip tüski astan keyin wşıp ketedi.

Qıtay biligi qanşalıq qatañ qarsılığın bildirgenimen Nensi Pelosidıñ mingen wşağı Malyziyadan şığıp Tayuanğa kelip qondı. Pelosidı eldiñ sırtqı ister ministri Jozef Vu qarsı aldı.

Pelosidıñ kelu qarsañında Qıtay tarap Tayuannıñ joyğış wşaqtarı Tayuan bwğazınan wşıp ötti degenimen Tayuan qorğanıs ministrligi bwnı jalğan aqparat dedi.

Bwğan deyin Şığıs Aziyanıñ birneşe eline barğan AQŞ ökilder palatasınıñ spikerinıñ Tayuanğa baru barmauı turalı sarapşılar är-türli pikir aytqan. Tipti bwl sapar orındalsa üşinşi dünie jüzilik soğıs bastaladı dep sanaytındar da bar.

Bwl sapardı resmi Beyjiñ men birge Gonkong basşısıda Jon Li de qatañ ayıptadı. Al Resey bwl sapardı "aşıq arandatu" dep atadı. Bwl AQŞ-Qıtay ara-qatınasın odan arı uşıqtıra tüsui mümkin.

Bwl sapar AQŞ-tıñ bilik ökilderiniñ 1997 jıldan keyingi arağa 25 jıl salıp jasağan alğaşqı saparı.

“The Qazaq Times”