«Aq jol » partiyası törağası Azat Peruaşev pen partiya törağasınıñ orınbasarı, aqın Qazıbek Isa. Foto: qazaquni.kz

Qıtay astanası Beyjiñdegi älemdik sayasi partiyalar jetekşileriniñ I xalıqaralıq forumında Qazaqstannıñ «Aq jol » partiyası törağası, Mäjilis deputatı Azat Peruaşev pen partiya törağasınıñ orınbasarı, aqın Qazıbek Isa sol elde qamauğa alınğan qazaqtardıñ mäselesin köterdi dep habarlaydı "Qazaq üni" portalı.

1 jeltoqsan küni  Qıtaydıñ memlekettik törağası Şi Jinpiñge jazılğan, Qıtaydağı qamalğan 112 qazaq tizimi bar hattı  Qıtay Kommunistik partiyası Ortalıq Komitetiniñ Halıqaralıq ister departamenti meñgeruşisiniñ orınbasarı (ministrdiñ orınbasarı) Şen Beyli xanımğa tapsırdı.

Bwl hattı  partiya keñsesine oralmandar Qıdıräli Orazwlı, Qwl-Kerim Elemes pen Beysen Axmetwlı äkep ötkizgen bolatın.  Sonımen qatar «Aq jol» partiyası atınan da, Mäjilis deputatı Azat Peruaşevtıñ qolı qoyılğan xat berildi. Ekeuiniñ de  qıtayşa audarması da qosa berildi.

Mäjilis deputatı Azat Peruaşev. Foto: qazaquni.kz

Aqjoldıqtar bwl kisilerdiñ Qazaqstandağı tuğan-tuıstarı qattı mazasızdanıp otırğandıqtan, bwlardı qıtay policiyası  nelikten qamap tastadı, olardıñ  jazığı ne,  jağdayı qanday ekenin tekserudi swradı. Şen Beyli xanım Şıñjan basşılarına bwl jağdaydı anıqtap, jauabın beruge tapsırma beretinin moynına aldı.

“The Qazaq Times”