Tayuan SİM jasşısı Pol'şadağı Ukrain bosqındarına kömek beru şarasında. Foto: VOA

Resey men Ukraina arasındağı soğıstı älemniñ biraqatar eli qalt jibermey baqılap otır. Onıñ qatarında Qazaqstan da bar, üytkeni el azamattarın Ukraina jağdayı erteñgi küni bizde qaytalanuı mümkin dep alañdaydı. Däl osığan wqsas älemniñ o şetinde jatsa da Ukrainanadı jağdaydı üzdiksiz baqılap otırğan tağı bir el Tayuan (Tayvan').

Resey Ukrainağa basıp kiruden bwrın da bwl taqırıptı Tayuan sarapşıları köptep qarastırğan. Araldı el öz tağdırın Ukrainadağı jağdaymen baylanıstıradı. Sebebi, Resey Ukrainada degenine jetse bwl Beyjiñniñ Tayuandı küşpen biriktiruge degen batıldığın arttıradı dep sanaydı.

Keşe, Tayuan SİM basşısı U Jauşie mälimdeme jasağan kezde: «Ukrainderdiñ tınımsız küresi Tayuan halqın şabıttandırdı», – degen pikirin jetkizdi.

2 naurızdan bastap Tayuan Sırtqı ister ministrligi «Tabiği apattan zardap şekkenderge qoldau körsetu» qorınan Ukrainadağı zardap şekken azamattarğa kömek beru maqsatındağı arnayı esepşottı aştı. Ne bäri bes kün işinde tayuandıqtan 300 mln Tayuan dolların (şamamen 10,5 mln AQŞ dolların) kömekke atağan.

Tayuan SİM tarabı eñ aldımen Pol'şa şekarasına kirgen ukrain bosqındarına kömek körsetu üşin 100 mln Tayuan dolların (şamamen 3,5 mln AQŞ dolları) böluge şeşim şığardı. Şarağa baylanıstı arnayı baspasöz jiınında Tayuan SİM basşısı U Jauşie: «Ukrainderdiñ tınımsız küresi avtoritarizm qısımındağı Tayuan halqınıñ şabıtı oyandı. Qazir köptegen tayuandıqtar mağan wqsas işinen “men ukraindıqpın” dep aytadı», – degen.

Qıtay Halıq Respublikası qwrılğalı beri Tayuan bwğazınıñ eki jağalauınıñ qarım-qatınası alşaqtadı. Tayuan özin derbes memleket sanasa, Beyjiñ Tayuandı QHR qwramındağı bir provinciya dep sanaydı. Bejiñ bwl üşin «Bir Qıtay» qağidatın halıqaralıq deñgeyde jüzege asırdı äri onıñ diplomatiyalıq baylanıs ornatqan barlıq elden talap etti. QKP Tayuandı tolıqtay bağındırudı öziniñ wlttıq parızı retinde nasihattaydı, bwl maqsatqa jetu üşin qaru qoldanudan bas tartpaytının da talay ret qaytalağan. Soñğı uaqıtta Tayuanğa bağıttalğan äskeri qısımdar jiilep keledi.

The Qazaq Times