Foto: Kabarlar.org

Men sammit barısında Nwrswltan Äbişwlımen kezdesu ötkizip, kelissöz jürgizemin – dep mälimdedi Qırğızstan prezidenti Sooronbay Jeenbekov jurnalister aldında söylegen sözinde.

Qaraşa ayınıñ 29-ı küni Resey astanası Mäskeu qalasına öziniñ alğaşqı resmi is-saparın jasağan Sooronbay Jeenbekov jergilikti BAQ ökilderiniñ aldında söylegen sözinde: «Resey bizdiñ bastı strategiyalıq seriktesimiz. Men asa qwrmetti Vladimir Vladimiroviç Putinge şaqırğanı üşin alğıs aytqım keledi. Biz kezdesu barısında eki el arasındağı äriptestik jayında, Euraziyalıq ekonomikalıq odaq ayasında birlesip jwmıs isteu jayında söylestik. Mağan Vladimir Putinge birinşi därejeli Manas ordenin tabıstau märtebesi bwyırdı. Men Resey tarapı bizdi jılı qabıldağanına öte quanıştımın» -degen.

Bwdan bölek Sooronbay Jeenbekov jurnalisterdiñ: «Siz Minsk qalasında ötetin Wjımdıq qauipsizdik kelisimi sammitinde Qazaqstan prezidenti Nwrswltan Nazarbaevpen kezdesesiz be?» degen swrağına: «Men sammit barısında barlıq eldiñ basşılarımen kezdesemin. Nwrswltan Äbişwlımende kezdesu ötkizip, kelissöz jürgizemin» - dep jauap bergen.

Esteriñizge salayıq, bwğan deyin Qırğızstan prezident äkimşiliginiñ sırtqı sayasat böliminiñ basşısı Ayzada Subaqojaeva: «Minsk qalasında Sooronbay Jeenbekov Qazaqstan prezidenti Nwrswltan Nazarbaevpen kezdespeydi» dep mälimdegen bolatın.

“The Qazaq Times”