Foto: AiF Kazan' - Argumentı i Faktı

Resey Federaciyasınıñ bilim ministrligi äzirlegen jaña zañ jobası boyınşa, Tatarstan mektepterinde tatar tilin oqu mindetti emes.

Tatarstan Bas prokurorı Jwldız Nafikovtıñ sözinşe, RF Bilim ministrligi Tatarstan ükimetiniñ wsınısımen jaña zañ jobasın jasağan. Jaña zañ jobası boyınşa, osıdan bılay barlıq balalar ata-analarınıñ jazbaşa rwqsatımen erikti türde tatar tilin aptasına eki sağat oquğa qwqılı. Bilim ministrliginiñ bwnday şeşim şığaruına osı uaqıtqa deyin orta mektepterde oquşılarğa bilim alu tañdauı jasalmağandığı sebep bolğan.

Bwğan deyin Tatarstan qoğamında tatar tilin orta mektepterde mindetti türde oqıtuğa baylanıstı qızu pikir talas jürgen bolatın. Osıdan keyin el prezidenti Rustam Minnihanov pen bilim jäne ğılım ministrligi ökilderi: «Jaña oqu standarttarı qabıldanğanan keyin, tatar tilin bastauış jäne orta mektepterde oqıtu mindetti bolıp qala beredi. Biraq tatar tilin oqıtuğa aptasına eki sağat qana uaqıt bölinedi. Al bala joğarı sınıptarğa köşkende tatar tilin oqu oquşınıñ ata-anasınıñ tañdauına beriledi» - dep mälimdegen.

Qazirgi tañda Tatarstanda til mäselesi öte qiın jağdayda. Öytkeni öziniñ ana tilinde söyleytin tatarlardıñ sanı jıl ötken sayın azayıp baradı. Ayta ketetin bir jayt, Qazaqstan latın älipbiine köşedi degen aqparat tarağanda özge eldermen qatar Tatarstanda bwl jañalıqtı qızu talqılağan. Sebebi tatar halqınıñ oyınşa, Qazaqstan latın älipbiine köşetin bolsa, onda eki el arasındağı ruhani jäne mädeni baylanıs üzilip qaluı mümkin.

“The Qazaq Times”