Foto: Nur.kz

 S&P halıqaralıq  agenttigi  memlekettik qoldau azayğandıqtan "QazMwnayGaz" wlttıq kompaniyasınıñ reytingin "-VV" deñgeyine deyin tömendetti.

QMG-nıñ şkala boyınşa da reytingi "kzA"-dan "kzA-"-ğa deyin tömendedi.

"Reytingti tömendetu QMG-ğa jäne basqa da memleketpen baylanısı bar wyımdarğa memleket tarapınan beriletin qoldaudıñ azayuına baylanıstı bolıp otır. Bizdiñ oyımızşa, "Samwrıq-Qazına" wlttıq qorı arqılı qoldau körsetu şaraları aytarlıqtay qiın äri köp uaqıt aladı, tipti qor tarapınan qısım bolğandıqtan, QMG-nıñ minortiarlı ülesin jekeşelendiru qiınday tüsui mümkin", - deydi agenttik ökilderi.

S&P mälimetinşe, Qazaqstan ükimeti  özderine qatısı bar keybir kompaniyalar men QazMwnayGazdıñ qarızına şıdam tanıtıp otır, sonıñ özinde 2015 jılğı dağdarıs uaqıtında kompaniyağa şekteuli kömek körsetilgen.

"Ükimet QazMwnayGazdı "Samwrıq-Qazına" arqılı baqılap otır. Bizdiñ oyımızşa, bwl memlekettik qoldau körsetu mehanizmin qiındatıp jiberedi. Biz QMG-ğa memlekettik qoldau körsetuge qatıstı tüpki şeşimderdi qabıldaytın qor emes, memlekettiñ özi dep esepteymiz, aktivterdiñ qwramı men qor strategiyasın ayqındaytının da memleket. Biz "Samwrıq-Qazınanı" türli sektordağı aktivterdi basqarumen aynalısatın memleket qwralı dep qarastıramız", - deydi sarapşılar.

Ayta keteyik, "QazMwnayGaz" AQ - kvazimemlekettik kompaniya. Wlttıq bola twra memlekettiñ sırtqı qarızınıñ köp böligi osınday kompaniyalardıñ moynında. Tipti jwmısşılar jalaqısına qatıstı daular da osı kompaniyada jii boladı.

“The Qazaq Times”