فوتو: Nur.kz

 S&P حالىقارالىق  اگەنتتىگى  مەملەكەتتىك قولداۋ ازايعاندىقتان "قازمۇنايگاز" ۇلتتىق كومپانياسىنىڭ رەيتينگىن "-ۆۆ" دەڭگەيىنە دەيىن تومەندەتتى.

قمگ-نىڭ شكالا بويىنشا دا رەيتىنگى "kzA"-دان "kzA-"-عا دەيىن تومەندەدى.

"رەيتينگتى تومەندەتۋ قمگ-عا جانە باسقا دا مەملەكەتپەن بايلانىسى بار ۇيىمدارعا مەملەكەت تاراپىنان بەرىلەتىن قولداۋدىڭ ازايۋىنا بايلانىستى بولىپ وتىر. ءبىزدىڭ ويىمىزشا، "سامۇرىق-قازىنا" ۇلتتىق قورى ارقىلى قولداۋ كورسەتۋ شارالارى ايتارلىقتاي قيىن ءارى كوپ ۋاقىت الادى، ءتىپتى قور تاراپىنان قىسىم بولعاندىقتان، قمگ-نىڭ مينورتيارلى ۇلەسىن جەكەشەلەندىرۋ قيىنداي ءتۇسۋى مۇمكىن", - دەيدى اگەنتتىك وكىلدەرى.

S&P مالىمەتىنشە، قازاقستان ۇكىمەتى  وزدەرىنە قاتىسى بار كەيبىر كومپانيالار مەن قازمۇنايگازدىڭ قارىزىنا شىدام تانىتىپ وتىر، سونىڭ وزىندە 2015 جىلعى داعدارىس ۋاقىتىندا كومپانياعا شەكتەۋلى كومەك كورسەتىلگەن.

"ۇكىمەت قازمۇنايگازدى "سامۇرىق-قازىنا" ارقىلى باقىلاپ وتىر. ءبىزدىڭ ويىمىزشا، بۇل مەملەكەتتىك قولداۋ كورسەتۋ مەحانيزمىن قيىنداتىپ جىبەرەدى. ءبىز قمگ-عا مەملەكەتتىك قولداۋ كورسەتۋگە قاتىستى تۇپكى شەشىمدەردى قابىلدايتىن قور ەمەس، مەملەكەتتىڭ ءوزى دەپ ەسەپتەيمىز، اكتيۆتەردىڭ قۇرامى مەن قور ستراتەگياسىن ايقىندايتىنىن دا مەملەكەت. ءبىز "سامۇرىق-قازىنانى" ءتۇرلى سەكتورداعى اكتيۆتەردى باسقارۋمەن اينالىساتىن مەملەكەت قۇرالى دەپ قاراستىرامىز", - دەيدى ساراپشىلار.

ايتا كەتەيىك، "قازمۇنايگاز" اق - كۆازيمەملەكەتتىك كومپانيا. ۇلتتىق بولا تۇرا مەملەكەتتىڭ سىرتقى قارىزىنىڭ كوپ بولىگى وسىنداي كومپانيالاردىڭ موينىندا. ءتىپتى جۇمىسشىلار جالاقىسىنا قاتىستى داۋلار دا وسى كومپانيادا ءجيى بولادى.

“The Qazaq Times”