Velosipedpen sayahat jasaytındar üşin jaña novigatorlıq qwral – Beeline gadjet oylap tabıldı. Ol tek käsibi veloşabandozdar üşin ğana emes, qarapayım halıq üşin de jol körsetuşi qwral retinde qızmet etpek. Bwl turalı Naked-science habarlaydı.    

Köptegen veloşabandozdardıñ oyınşa, kölikjürgizuşilerine qarağanda, olardıñ qozğalıs bağıtı erkin. Eger siz de osı közqarastı dwrıs dep esepteseñiz, jaña Bilayn gadjet sizdiñ köñiliñizden şığadı. Bwl navigatorlıq qwral barlıq bağıt-bağdardı (siz twrğan jerden, baruğa deyingi) körsetedi. Alayda, qoldanuşılar marşruttı özi dayındap aluı qajet.

Bwl gadjetpen jwmıs jasau üşin, aldımen, smartfondar arqılı belgileu punktin engizu qajet. Ol arqılı soñğı barar jeriñizde jazıp qana qoymay, oğan deyingi ayaldamalarıñızdı öziñiz belgilep alasız. Smartfondı alıp tastağannan keyin, navigaciyağa tek qana Beeline jauap beretin boladı.

Gadjettiñ mına zattardan twradı: elektrondı qağaz tehnologiyasımen jasalınğan displey; korpus; velosiped röline bekitetin qwral. Ekranda bağdar men araqaşıqtıqtı körsetip twratın, sağat tiline wqsas tili bar. Tolıq kartanı körsete almağanımen, qay bağıtta jüru kerek ekendigin körsetip twradı. Qwrılğınıñ işinde magnitometr, akselerometr men girskop bar. Olar da qozğalıstıñ bağıtın baqılau üşin qajet.

Ayte ketetini, jaña gadjettiñ ılğal men şañnan saqtandıratın qwrılğısı bar, quatı (akkumulyatorı) tolıq bolğan jağdayda 30 sağatqa deyin jetedi.

Qazirgi uaqıtta öndiruşider atalmış Beeline gadjetterdi satılımğa şığardı jäne ärbir gadjettiñ qwnı – 120 AQŞ dolları.

"The Qazaq Times"