Halyk Light twtınuşılıq nesie kartasınıñ ülgisi. Foto: QT

Qazaqstannıñ Halıq Banki jäne onıñ enşiles wyımı - Qazkommercbank eki bağıttan twratın jäne tauardı bölip töleuge mümkindik beretin Halyk Light jäne Homebank Orange twtınuşılıq nesieleudiñ jaña bağdarlamasın iske qostı. Bwl turalı qos banktiñ ökilderi baspasöz konferenciyası kezinde mälimdedi.

"Qazaqstannıñ Halıq Banki" AQ basqarma törağasınıñ orınbasarı Marat Älmenovtıñ sözinşe, Halyk Light bağdarlamasına Qazaqstannıñ kez kelgen twrğını qatısa aladı. Ol üşin Halyk Bank seriktesteriniñ jelisinde jıldıq 0%-ben tauardı bölip töleu üşin arnayı karta aşu qajet. Qazirdiñ özinde atalğan jelide türli brendterdiñ türli assortimenttegi: janwya müşeleri üşin kiim-keşek, tehnika, üy tauarları jäne basqa da türli tauar wsınğan 500-den artıq düken bar. Seriktes dükenniñ şartına baylanıstı kez-kelgen tauardıñ qwnın bölip töleudiñ merzimin är adam özi tañday aladı - 3,6,9 nemese 12 ay. Limittiñ eñ ülken kölemi 300 mıñ teñgeni qwraydı jäne Halyk Light ol twtınuşınıñ töleu qabiletine baylanıstı kartasınıñ är wstauşısı üşin arnayı bekitiledi.

Halyk Light-tıñ qosımşa artıqşılığı bölip töleuge mümkindik beretin kartanı Halyk Bank-tiñ bölimşelerinde 15 minuttıñ işinde tegin aluğa boladı. Sonımen qatar, Halyk Bank «Halyk Light-tıñ är qatısuşısına 3% Sashback» akciyasın iske qosadı. Biraq bwl tek üş aydı qamtidı. YAğni atalğan karta aktivtendirilgen soñ bir ay işinde Halyk Light kartasınıñ ieleri sonday-aq är tölem somasınan 3% köleminde kepildikti bonustardı alatın boladı. Akciya 2018 jıldıñ 28 aqpanına deyin (28 aqpandı qosa alğanda) jalğasadı.

Sonday-aq, QAZKOM-nıñ basqaruşı direktorı Nwrlan Jağıparov Twtınuşılıq nesieleu bağdarlamasınıñ ekinşi bağıtı - Homebank Orange turalı tüsindirdi. Bwl Qazkommerbanktiñ kredittik karta wstauşılarına arnalğan jäne Homeshop.kz onlayn-dükennen tauardı tañdap, onı bölip töleuge mümkindik beredi. Birinşi kezeñde bank klientterine 5 mıñnan artıq tauardıñ türi: twrmıstıq tehnika, audio jäne videoelektronika, mobil'dik gadjetter jäne t.b. tauarlar  qoljetimdi bolmaq. Bwl tauarlardı artıq tölemsiz, qanday da bir komissiyasız, jıldıq 0%-ben kreditke aluğa boladı.

Tauardıñ qwnın eki türli jolmen öteuge boladı – kez kelgen banktiñ ädettegi debettik (jalaqılıq) kartası arqılı nemese QAZKOM-nıñ kredittik kartasımen bölip töleu arqılı. Tauardı ekinşi jolmen ötegen kezde tauardıñ qwnı banktiñ kredittik qarajatınan birden tölenedi, al klient öteudiñ özine ıñğaylı kezeñin tañdaydı – 3, 6, 9 nemese 12 ay.

Halyk Light bağdarlamasınıñ birinşi kezeñine Astana men Almatı qalalarında ornalasqan seriktes dükender qatısadı. Sonımen qatar bağdarlamanı äzirleuşiler Halyk Bank pen Qazkom kartalarınıñ tanımaldılığın eskere otırıp (eldegi är ekinşi tölem kartası), 2018 jılı Qazaqstannıñ barlıq qalalarında Halyk Light jäne Homebank Orange servisteriniñ qoljetimdiligin josparlauda. Sonımen qatar, Homeshop.kz –te wsınılatın tauarlardıñ sanı 50 mıñnan artıq boladı dep közdelude.

“The Qazaq Times”