Dinara Amanbaeva: klientterge qızmet körsetu sapasın baqılaytın arnayı bölimşe qwruğa kiristik

Eki jüye qwruşı banktiñ birigu procesi ayaqtaluğa jaqın. Klientterdiñ köbisin birikken bank önimder, qızmetter men servisterdiñ qanday türin wsınadı jäne olardı qanday jañalıqtar kütip twr degen swraq mazalauda. Halyk Bank-tiñ bölşek sauda biznesi departamentiniñ basşısı Dinara Amanbaeva bwl swraq töñiregindegi barlıq küdikti joyuğa tırısadı.

Integraciya nätijesinde Qazkommercbank klientterin qanday özgerister kütip twr? Salımşılarğa, qarız aluşılarğa, karta wstauşılarğa körsetiletin qızmettiñ şarttarı qanday bolmaq?

• Bwl mäselede biz üşin eñ mañızdısı - klientterge ıñğaysızdıq tuğızbay olardı bank bölimşesine kelu, qanday da bir qosımşa qwjattardı jinau jäne qol qoyu qajettiliginen arıltu. Sondıqtan, Qazkommercbank klientteriniñ qarızdarı men salımdarı boyınşa jäne barlıq önimderdiñ ağımdağı, nesielik, jinaq şottarı Halıq bankke bwrınğı bekitilgen şarttarmen köşedi. Qazkom kartaları turalı aytar bolsaq, bwrınğı şartpen bekitilgen barlıq tarifter men mölşerlemeler kartalardıñ qoldanılu merzimi ayaqtalğanğa deyin saqtaladı, sodan keyin biriktirilgen Halıq banktiñ talaptarımen qayta şığarılatın boladı.

Köptegen klientterdi tarif mäselesi qızıqtıradı, tipti keybireuleri komissiyanıñ mölşeri ösedi dep te aytıp jür.

• Siz dwrıs aytasız, Halyk pen Qazkom-nıñ tariftik kestelerinde aytarlıqtay ayırmaşılıqtar, wqsas nemese özge operaciyaların orındau üşin qolaysız bolğan köptegen türli komissiyalar bar edi. Sondıqtan biz osı procesti jeñildetu maqsatında birıñğay tariftik kesteni äzirledik. Bwl rette, belgili bir tarifti köteretin bolsaq, bwnı klientter dwrıs qabıldamaytının tüsinip, narıqtağı bar tarifterdi qarastırıp, asa tiimdisin negizge aldıq. Soğan qaramastan, biz tarifterdi birden özgertip, ösirudi közdemeymiz jäne bwl turalı biz senimmen ayta alamız. Önimderge jäne qızmetterge jaña tarifterdi engizu turalı aqparat klientterge uaqtılı jäne tolıq kölemde jetkiziledi jäne olarmen halykbank.kz saytınan tanısuğa boladı.

Qazkommercbanktiñ qanday önimderi Halıq bankke ötedi, birikkennen keyin qanday servister qoljetimdi boladı?

• Tarihqa köz jügirtetin bolsaq, Halıq banktiñ jalaqılıq joba qatısuşılarına arnalğan önimderi mıqtı, al Qazkommercbank auqımdı auditoriya üşin jwmıs istedi. Säykesinşe, maqsattı önimder jelisine qos banktiñ bir-birin özara tolıqtıratın önimderi men qızmetteri kiredi jäne biriktirilgen Halıq banktiñ kartası boyınşa jalaqı alatındar üşin Halyk bank-tiñ barlıq önimderi, al qalğan klientteri üşin endi Qazkom-nıñ qızmetteri men servisteri qoljetimdi boladı. YAğni üzdik şarttardıñ özindik «gibridi» bolmaq: jalaqı jobasına qatısuşılarğa jıldıq 1%-dan bastalatın (JTSM jıldığı 1,1%) mölşerlemesimen, al qalğan klientter üşin - jıldıq 7%-dan (JTSM jıldığı 24,3%) bastalatın kepilzatsız zaymdar qoljetimdi boladı.

Qazkom-nıñ kredittik kartalarına qatıstı aytar bolsaq, biriktirilgen bankte MyCard jäne American Express kartalarınıñ barlıq jelisi siyaqtı tanımal önimder tolıq saqtaladı. Bastapqıda Qazkom-nıñ kredittik karta wstauşılarına arnalğan Homebank Orange bağdarlaması Halyk-tıñ kredittik karta ielerine de qoljetimdi boladı. Bwğan qosımşa, biz, şığarılatın kartalarımızdıñ märtebesin köteremiz – bwdan bılay kartalaramız tiimdi qızmetterdiñ toptamasımen tolıqtırıladı (saqtandıru, mul'tivalyutalıq, niettestik bağdarlaması jäne t.s.s.) Visa Gold / MasterCard Gold.

Biriktirilgen bank klientteri üşin niettestik bağdarlamasınıñ örisi da keñeye tüspek. Biriktirilgen bank klientteriniñ naqtı qalauına baylanıstı jastarğa, sayahattauşılarğa, analarğa, zeynetkerlerge jäne t.b. arnalğan arnayı wsınıstar boladı. Biz supermarketterde, kiim dükenderinde, janarmay qwyu beketterinde tölem jasağanı üşin bonustar wsınu siyaqtı servisterge jiti män beremiz.

Kepilzattı qarızdarmen jwmıs qalay örbidi?

- Biriktirilgen bankte ipoteka Halıq banktiñ kartası arqılı jalaqı aluşılardan basqalarğa da qoljetimdi boladı. Jalaqı jobasınıñ qatısuşıları jıldığı 12,5%-dan bastalatın (JTSM jıldığı 14,8%), qalğan klientter - 17%-dan bastalatın (JTSM jıldığı 18,9%) mölşerlememen ipotekalıq qarız ala aladı. Ipotekalıq qarızdıñ eñ wzaq merzimi 20 jıldı qwraydı, bastapqı jarnanıñ eñ tömengi mölşeri – satıp alınatın jıljımaytın müliktiñ qwnınan 20%-dan bastaladı (qosımşa kepilzat qoyılğanda 0%).

Bwğan qosa Qazkom-nıñ jalaqı jobasınıñ barlıq qatısuşısı bankter birikkennen keyin seriktes avtosalondar jelisinen, sonımen qatar otandıq avtokölik öndiruşilerdi qoldau memlekettik bağdarlaması boyınşa jaña kölik satıp aluğa bastapqı jarnasız avtokredit resimdey aladı. Mwnday qarızdardıñ şarttarı klientterdiñ köpşiligi üşin qoljetimdi bolmaq.

Birikken banktiñ önimderi boyınşa aqparat tüsinikti, al klientterge qızmet körsetu salasında qanday özgerister bolmaq?

• Biz klientterge qızmet körsetu sapasın baqılaytın arnayı bölimşe qwruğa kiristik. Bank işinde türli procesterdi avtomattandırğan sayın körsetetin servisimizdiñ de sapası ösedi dep ümittenemiz. Bwl, ärine, wzaq process, bağalap körsek birneşe ayğa sozıladı eken, soğan qaramastan biz klientterge qızmet körsetude sapa men jıldamdıqqa jäne qızmetkerlerdi dayındau jäne oqıtu mäselesine asa män beretin bolamız. Sondıqtan servisimizdiñ deñgeyi bwdan äri köterile tüsedi dep senimdi türde ayta alamın.

Bwl taqırıptı qozğağan soñ banktiñ eñ talğampaz klientteri turalı da swrağan jön bolar.

— Halıq bankte mwnday klientter üşin arnayı premium aymaqtarı qwrılğan. Qazkommercbankte mwnday aymaq PERSONA dep atalatın. Sonımen qatar, Qazkom-da äleumettik därejesi, kirisi men depozittiñ kölemi boyınşa ayrıqşa klientterdiñ qosımşa tölemine premialdı segmentke arnalğan bölimşelerden qızmet alu mümkindigi qarastırılğan bolatın. Mine, bwl qızmet biriktirilgen Bankke ötip, Premium därejesindegi klientter üşin Vip menedjer, sonday-aq Jeke menedjer qızmeti engizilip, bwl segmenttegi klientterge joğarı därejedegi qızmet aluğa mümkindik beredi.

Filial jelisimen ne boladı? Qazkommercbanktiñ bölimşeleri jabıladı ma, älde olardıñ bäri Halıq banktiñ filial jelisine qosıladı ma?

• Biz Qazkom bölimşelerin jappay jabudı josparlap otırğan joqpız. Ärine, Halıq bank pen Qazkommercbanktiñ jaqın ornalasqan bölimşeleri birin-biri qaytalamas üşin olardı oñtaylandıru şeşimin qabıldap jatırmız, yağni keybir bölimşeler jabıladı, al keybiriniñ mekenjayı auısadı nemese bir iri bölimşe bolıp biriktiriledi. Biz, ärine qazirgi klienttik bazağa qızmet körsetu üşin satu arnalarınıñ kölemin barınşa qaldıruğa tırısamız. Qos banktiñ qaytalanatın bölimşelerin oñtaylandıru boyınşa jürgizilgen jwmıstardı eskeretin bolsaq birikken bankte klientterge qızmet körsetudiñ 635 satu arnası qızmet etedi.

Bwl birıñğay standartqa keltirilgen äri tärtiptelgen eñ iri jäne keñ damığan aymaqtıq jelisi boladı dep közdelude. Qazkommercbanktiñ qabıldanatın 166 bölimşesin ornalasqan mekenjayı, personal ştatı, klientterdiñ ağımına säykes böletin bolamız. Bwl jerde ayta keterlik bir jayt, bizde Business - bölimşeniñ jaña nwsqası payda boladı. Bwl bölimşelerde tek zañdı twlğalarğa qızmet körsetiledi. Äzirge şaması 32 danası aşıladı dep kütilude. Bwğan qosımşa Halıq Banktiñ önimderi men servisin käsipkerler men halıqqa qızmet körsetetin bank qızmetiniñ 54 ortalığı qwrıladı.

2015 jılı QKB men BTA birikken kezde bölimşelerde kezekte twru mäselesi tuındadı. Bwl mäsele köptegen bank operaciyaların internet-bankingke, bankomatqa, tölem terminaldarına audaru arqılı şeşilgen bolatın. Al qazir osınday mäseleniñ aldın aludı qalay josparlap otırsızdar?

Klientterdi internet jäne mobil'di banking, bankomattar, tölem terminaldarı jäne mul'tikioskiler siyaqtı qaşıqtıqtan qızmet körsetu arnalarına köşiru boyınşa ülken josparlarımız bar, yağni klientter onlayn tärtibinde aqşaların audarıp, tölemderin jasap qana qoymay, depozitter de aşa aladı, kartalar şığaruğa jäne kreditter resimdeuge ötinimder de bere aladı. Bwğan qosımşa retinde biz Qazkomnıñ beynebankingin de belsendi türde engizudemiz, ol klientterge qızmet körsetudi aytarlıqtay jıldamdatuğa, osılayşa bank bölimşeleriniñ jwmısın jeñildetuge mümkindik beredi. Osı jañalıqtıñ barlığı – zaman talabı, sondıqtan, biz, milliondağan klientterimizge barınşa jıldam äri sapalı qızmet körsetu üşin eñ aldıñğı qatarlı jäne zamanaui qarjılıq şeşimderdi endiremiz.

 “The Qazaq Times”