Halyk Light تۇتىنۋشىلىق نەسيە كارتاسىنىڭ ۇلگىسى. فوتو: QT

قازاقستاننىڭ حالىق بانكى جانە ونىڭ ەنشىلەس ۇيىمى - قازكوممەرتسبانك ەكى باعىتتان تۇراتىن جانە تاۋاردى ءبولىپ تولەۋگە مۇمكىندىك بەرەتىن Halyk Light جانە Homebank Orange تۇتىنۋشىلىق نەسيەلەۋدىڭ جاڭا باعدارلاماسىن ىسكە قوستى. بۇل تۋرالى قوس بانكتىڭ وكىلدەرى ءباسپاسوز كونفەرەنتسياسى كەزىندە مالىمدەدى.

"قازاقستاننىڭ حالىق بانكى" اق باسقارما توراعاسىنىڭ ورىنباسارى مارات المەنوۆتىڭ سوزىنشە، Halyk Light باعدارلاماسىنا قازاقستاننىڭ كەز كەلگەن تۇرعىنى قاتىسا الادى. ول ءۇشىن Halyk Bank سەرىكتەستەرىنىڭ جەلىسىندە جىلدىق 0%-بەن تاۋاردى ءبولىپ تولەۋ ءۇشىن ارنايى كارتا اشۋ قاجەت. قازىردىڭ وزىندە اتالعان جەلىدە ءتۇرلى برەندتەردىڭ ءتۇرلى اسسورتيمەنتتەگى: جانۇيا مۇشەلەرى ءۇشىن كيىم-كەشەك، تەحنيكا، ءۇي تاۋارلارى جانە باسقا دا ءتۇرلى تاۋار ۇسىنعان 500-دەن ارتىق دۇكەن بار. سەرىكتەس دۇكەننىڭ شارتىنا بايلانىستى كەز-كەلگەن تاۋاردىڭ قۇنىن ءبولىپ تولەۋدىڭ مەرزىمىن ءار ادام ءوزى تاڭداي الادى - 3,6,9 نەمەسە 12 اي. ءليميتتىڭ ەڭ ۇلكەن كولەمى 300 مىڭ تەڭگەنى قۇرايدى جانە Halyk Light ول تۇتىنۋشىنىڭ تولەۋ قابىلەتىنە بايلانىستى كارتاسىنىڭ ءار ۇستاۋشىسى ءۇشىن ارنايى بەكىتىلەدى.

Halyk Light-تىڭ قوسىمشا ارتىقشىلىعى ءبولىپ تولەۋگە مۇمكىندىك بەرەتىن كارتانى Halyk Bank-ءتىڭ بولىمشەلەرىندە 15 مينۋتتىڭ ىشىندە تەگىن الۋعا بولادى. سونىمەن قاتار، Halyk Bank «Halyk Light-تىڭ ار قاتىسۋشىسىنا 3% سashback» اكتسياسىن ىسكە قوسادى. بىراق بۇل تەك ءۇش ايدى قامتيدى. ياعني اتالعان كارتا اكتيۆتەندىرىلگەن سوڭ ءبىر اي ىشىندە Halyk Light كارتاسىنىڭ يەلەرى سونداي-اق ءار تولەم سوماسىنان 3% كولەمىندە كەپىلدىكتى بونۋستاردى الاتىن بولادى. اكتسيا 2018 جىلدىڭ 28 اقپانىنا دەيىن (28 اقپاندى قوسا العاندا) جالعاسادى.

سونداي-اق، QAZKOM-نىڭ باسقارۋشى ديرەكتورى نۇرلان جاعىپاروۆ تۇتىنۋشىلىق نەسيەلەۋ باعدارلاماسىنىڭ ەكىنشى باعىتى - Homebank Orange تۋرالى ءتۇسىندىردى. بۇل قازكوممەربانكتىڭ كرەديتتىك كارتا ۇستاۋشىلارىنا ارنالعان جانە Homeshop.kz ونلاين-دۇكەننەن تاۋاردى تاڭداپ، ونى ءبولىپ تولەۋگە مۇمكىندىك بەرەدى. ءبىرىنشى كەزەڭدە بانك كليەنتتەرىنە 5 مىڭنان ارتىق تاۋاردىڭ ءتۇرى: تۇرمىستىق تەحنيكا، اۋديو جانە ۆيدەوەلەكترونيكا، موبيلدىك گادجەتتەر جانە ت.ب. تاۋارلار  قولجەتىمدى بولماق. بۇل تاۋارلاردى ارتىق تولەمسىز، قانداي دا ءبىر كوميسسياسىز، جىلدىق 0%-بەن كرەديتكە الۋعا بولادى.

تاۋاردىڭ قۇنىن ەكى ءتۇرلى جولمەن وتەۋگە بولادى – كەز كەلگەن بانكتىڭ ادەتتەگى دەبەتتىك (جالاقىلىق) كارتاسى ارقىلى نەمەسە QAZKOM-نىڭ كرەديتتىك كارتاسىمەن ءبولىپ تولەۋ ارقىلى. تاۋاردى ەكىنشى جولمەن وتەگەن كەزدە تاۋاردىڭ قۇنى بانكتىڭ كرەديتتىك قاراجاتىنان بىردەن تولەنەدى، ال كليەنت وتەۋدىڭ وزىنە ىڭعايلى كەزەڭىن تاڭدايدى – 3, 6, 9 نەمەسە 12 اي.

Halyk Light باعدارلاماسىنىڭ ءبىرىنشى كەزەڭىنە استانا مەن الماتى قالالارىندا ورنالاسقان سەرىكتەس دۇكەندەر قاتىسادى. سونىمەن قاتار باعدارلامانى ازىرلەۋشىلەر Halyk Bank پەن Qazkom كارتالارىنىڭ تانىمالدىلىعىن ەسكەرە وتىرىپ (ەلدەگى ءار ەكىنشى تولەم كارتاسى), 2018 جىلى قازاقستاننىڭ بارلىق قالالارىندا Halyk Light جانە Homebank Orange سەرۆيستەرىنىڭ قولجەتىمدىلىگىن جوسپارلاۋدا. سونىمەن قاتار، Homeshop.kz –تە ۇسىنىلاتىن تاۋارلاردىڭ سانى 50 مىڭنان ارتىق بولادى دەپ كوزدەلۋدە.

“The Qazaq Times”