Tillerson M'yanma basşısımen kezdesti. Foto: CGTN.

AQŞ Memlekettik hatşısı Reks Tillerson bir kün bwrın M'yanmağa bardı jäne ondağı azamattıq wyımdar men äskeri lauazımdı twlğalarımen kezdesti. Bwl turalı «People» basılımınıñ resmi saytı jazdı.

Reks Tillerson kezdesu barısında arakandalıq mwsılmandardıñ qwqıqtarınıñ bwzıluı jäne onda bolğan oqiğanı tım ayanıştı jağday dep bağaladı, äri atalğan iske tergeu jürgiziluin talap etti.

M'yanma basşısı Aun San Su Çimen birge ötkizgen baspasöz mäjilisi kezinde Tillerson: «Arakandada bolğan qandı qırğın kezinde M'yanma qarulı küşteri jağdaydı tolıq meñgere almadı. Tärtip ornatuşı küşterdiñ kerisinşe adam qwqıqtarına qayşı äreketteri turalı dälelder bar. Osı jağdayğa baylanıstı jäne äyelder men balalardı qamtığan neşe on mıñdağan halıqtıñ bas sauğalap elden ketui Qwrama Ştattı alañdatıp otır», – degen közqarasın bildirdi.

AQŞ memlekettik hatşısı M'yanma mwsılmandarınıñ qırğınşılıqqa wşırauına qatıstı tergeudi talap etti, alayda osı iske baylanıstı M'yanmağa ekonomikalıq qısım jasau şeşimin Qwrama Ştattıñ qoldamaytının da aytıp ötti.

“The Qazaq Times”