Bangladeşke jan sauğalağan mwsılmandar aşarşılıqqa wşırauda. Foto: DVB.

Älem elderiniñ qarsılığı men alañdauşılığına qaramastan M'yanmadağı mwsılmandarğa jasalğan genocid qırğınşılıq jalğasuda. Bwnday mälimetti BWW Bas hatşısınıñ adam qwqıqtarı jönindegi orınbasarı Anjrev Gilmour jasadı. Ol M'yanmadağı qırğınşılıqtan Bangladeşke bas sauğalay barğan Arakanda mwsılmandarınıñ lagerlerin araladı. Bwl turalı «Anadolı» aqparattıq agenttigi habarladı.

Gilmour mälimdemesinde, qaqtığıstar azayğanımen, rohindja mwsılmandarına qaratılğan tonau, zorlau, adam barımtalau qatarlı isterdiñ äli de jalğasıp jatqanın alğa tartadı. Ol sonımen birge Bangladeşke jan sauğalağan 700 mıñnan astam rohindja halqınıñ aşarşılıqta qalıp otırğanına da alañdauşılıq bildiredi.

M'yanma men Bangladeş ükimetteri arasında bıltır 23 qaraşada rohindja mwsılmandarın mekenderine qaytaru turalı kelisim jasalğan. Alayda, BWW ökili bwl kelisimniñ qwrğaq söz bolıp otırğanın sınğa aladı. Ol sözinde: «M'yanmadağı qırğın astırtın jalğasıp jatqan jağdayda, bwl kelisim turalı auız aşuğa bola ma? Ärine, bwnday uaqıtta Arakan mwsılmandarı mekenderine senimdi türde qaytuğa batıldıq ete almaydı», – dedi.

“The Qazaq Times”