Rim papası Aun San Su Çimen kezdesti. Foto: FRI.

Katolik älemniñ ruhani kösemi Rim papası Francisk M'yanmağa saparlay barıp, sol eldiñ basşılarımen kezdesti. Ol M'yanma basşısı Aun San Su Çimen kezdesu kezinde rohindja mwsılmandarınıñ qırğınşılığın ayıptadı. Bwl turalı «Anadolı» aqparattıq agenttiginiñ resmi saytı habarladı.

Papa Francisk M'yanma ükimet basşılarımen bolğan YAngo qalasındağı kezdesu kezinde: «El halqı azamattıq qaqtığıstar men zwlımdıqtardan zardap şegude. M'yanmanı öziniñ baspanasına balağan barşanıñ negizgi qwqıqtarına kepildik etu kerek», – dedi. Ol Arakandağı mwsılmandardıñ etnikalıq atauı rohindjanı sözine kiristire otırıp: «Ärbir etnikalıq toptardıñ bir-biriniñ qwqığına qwrmet etui – M'yanmanıñ beybit bolaşağınıñ negizgi kepili», – dedi.

Rim papası M'yanma basşılarımen kezdesuden bwrın da hristian, mwsılman, buddist, iudey din ökilderimen kezdesude bolğan. M'yanma saparınıñ bügingi (29 qaraşa särsenbi) kün tärtibinde ondağı din ökilderimen toptıq dini jinalıs ötkizedi. Beysenbi küni Bangladeşke saparlay baradı.

Ayta keteyik, Wlıbritaniyanıñ Oksford qalalıq keñesi 20 jıl bwrın Aun San Su Çige bergen «Qalanıñ Erkindik» medalin qaytarıp aldı.

“The Qazaq Times”