Foto: Forbes.kz

Bügin Qazaqstan Respublikasınıñ wlttıq valyutası teñgeniñ aynalımğa engizilgenine 24 jıl toldı. 1993 jıldıñ 15 qaraşasındağı QR Prezidentiniñ jarlığı boyınşa teñge elimizdiñ töl valyutası bolıp bekitilgen edi. 

Alğaş ret teñgeniñ birinşi şığarılğan qatarı (1 teñge = 100 tiın) mınaday nominaldardan twrdı:

  • 1, 3, 5, 10, 20, 50 jäne 100 teñgelik banknottar;
  • 1, 3, 5, 10, 20 teñgelik monetalar;
  • 1, 3, 5, 10, 20 jäne 50 tiındıq monetalar (bastapqıda qağazdan jasalğan)

Keyin birtindep 200, 500, 1000, 2000, 5000 teñgelik kupyuralar aynalımğa şığa bastadı.

Qazaqstannıñ Wlttıq Banki wlttıq valyuta engizilgen soñ 1 teñgeni sol kezdegi mıñ rubl'ge bağalağan. Alayda, elimizdiñ sayasi, äleumettik mäseleleri jäne memleketaralıq qatınastar eskerilip 1 teñge 500 somğa bekitildi. Teñge birinşi aynalımğa kirgen küni 1 dollar 4,75 teñge bolğan.

Töl teñgeni aynalımğa engizu jwmıstarı oñay bolğan joq. Resey rubliniñ aynalımğa enui Qazaqstandı jaña valyuta şığaruğa itermeledi. Desek te teñge bastapqı kezdegi qwnın saqtap qala alğan joq. Jıl sayın el ekonomikasınıñ qwbıluı teñge bağamın da qwldırattı. 2015 jılı teñge bağamı erkin aynalımğa jiberilgenen keyin,  2016 jıldıñ 1 jeltoqsanında nominalı 20000 teñgelik banknota aynalımğa endi.

“The Qazaq Times”