Türik lirası biıl 40 payız qwnın joğaltıp aldı. Foto: PressTV.

Türkiya prezidenti Rejep Tayıp Erdoğan senbi küni jasağan mälimdemesinde Qıtay, Resey jäne Ukraina elderimen wlttıq valyuta arqılı sauda jasauğa dayın ekenin bildirdi. Erdoğannıñ sözinen bir kün bwrın türik lirasınıñ qwnı tömendegen bolatın. Bwl turalı VOA jañalıqtar qızmeti habarladı.

Türik prezidenti bwl mälimdemesin öziniñ «Ädilet jäne damu» partiyasınıñ jiınında aytqan bolatın. Erdoğan bwl mälimdemesi arqılı eger Europalıq elder dollar qısımınan täuelsizdik alğısı keletin bolsa, onda Türkiya olarmen selbesetinin bildirdi.

Esteriñizde bolsa osıdan bwrın türik qaltalılarınıñ AQŞ-ta terrorizmge qoldau körsetuşi retinde sottaluı jäne Süriya mäselesi, Fethullah Gülen isi boyınşa eki el arasında arazdıq payda bolğan edi. AQŞ tarabı Türkiyanıñ birqatar lauazımdılarına sankciya saldı jäne ekonomikalıq sankciya salatının aytıp qorqıttı.

Biıl, türik lirası öz qwnınıñ 40 payızın joğaltıp aldı. Bwl Tramptıñ Türkiyağa qaratqan sayasattarına baylanıstı boldı.

Erdoğan osığan baylanıstı Europa elderine dollar qısımına qarsı birlesu emeurinin tanıtıp otır.

“The Qazaq Times”