فوتو: Forbes.kz

بۇگىن قازاقستان رەسپۋبليكاسىنىڭ ۇلتتىق ۆاليۋتاسى تەڭگەنىڭ اينالىمعا ەنگىزىلگەنىنە 24 جىل تولدى. 1993 جىلدىڭ 15 قاراشاسىنداعى قر پرەزيدەنتىنىڭ جارلىعى بويىنشا تەڭگە ەلىمىزدىڭ ءتول ۆاليۋتاسى بولىپ بەكىتىلگەن ەدى. 

العاش رەت تەڭگەنىڭ ءبىرىنشى شىعارىلعان قاتارى (1 تەڭگە = 100 تيىن) مىناداي نومينالداردان تۇردى:

  • 1, 3, 5, 10, 20, 50 جانە 100 تەڭگەلىك بانكنوتتار;
  • 1, 3, 5, 10, 20 تەڭگەلىك مونەتالار;
  • 1, 3, 5, 10, 20 جانە 50 تيىندىق مونەتالار (باستاپقىدا قاعازدان جاسالعان)

كەيىن بىرتىندەپ 200, 500, 1000, 2000, 5000 تەڭگەلىك كۋپيۋرالار اينالىمعا شىعا باستادى.

قازاقستاننىڭ ۇلتتىق بانكى ۇلتتىق ۆاليۋتا ەنگىزىلگەن سوڭ 1 تەڭگەنى سول كەزدەگى مىڭ رۋبلگە باعالاعان. الايدا، ەلىمىزدىڭ ساياسي، الەۋمەتتىك ماسەلەلەرى جانە مەملەكەتارالىق قاتىناستار ەسكەرىلىپ 1 تەڭگە 500 سومعا بەكىتىلدى. تەڭگە ءبىرىنشى اينالىمعا كىرگەن كۇنى 1 دوللار 4,75 تەڭگە بولعان.

ءتول تەڭگەنى اينالىمعا ەنگىزۋ جۇمىستارى وڭاي بولعان جوق. رەسەي ءرۋبلىنىڭ اينالىمعا ەنۋى قازاقستاندى جاڭا ۆاليۋتا شىعارۋعا يتەرمەلەدى. دەسەك تە تەڭگە باستاپقى كەزدەگى قۇنىن ساقتاپ قالا العان جوق. جىل سايىن ەل ەكونوميكاسىنىڭ قۇبىلۋى تەڭگە باعامىن دا قۇلدىراتتى. 2015 جىلى تەڭگە باعامى ەركىن اينالىمعا جىبەرىلگەنەن كەيىن،  2016 جىلدىڭ 1 جەلتوقسانىندا نومينالى 20000 تەڭگەلىك بانكنوتا اينالىمعا ەندى.

“The Qazaq Times”