Foto: Total.kz

Wlttıq bank teñgeniñ ayırbas bağamın retteu üşin üşinşi ay qatarınan intervenciya ötkizip keledi. Finprom agenttiginiñ mälimetinşe, retteuşi qazan ayında dollarğa swranıstı azaytu kezinde ötken ayğa qarağanda köp qarjı jwmsağan.

Wlttıq banktiñ dollar boyınşa netto-satılımı qazan ayında 379,8 mln dollardı qwrağan. Qırküyek ayında bwl soma 69,7 mln dollar, tamız ayında 70 mln dollar bolğan.

Jaz ayı bastalğalı beri valyuta narığındağı jağday aytarlıqtay özgergeni belgili. 2016 jıldıñ jeltoqsanı men 2017 jıldıñ mamır ayı aralığında dollar qwnı tüskenmen, mausım ayınan bastap, qayta nığaya bastadı. Mısalı osı ayda teñge 3,2%-ğa, şildede 1,8%-ğa, tamızda 2,7%-ğa, qırküyekte 1,2%-ğa älsiredi.

Wlttıq bank bolsa bwl jağdaydı dollarğa degen swranıstıñ artuımen jäne keybir sarapşılardıñ orınsız deval'vaciyalıq boljamdarımen baylanıstı dep tüsindirdi. Wlttıq bank intervenciya jürgizudi tamız ayında qayta bastağan. Alayda valyuta rezervinde twrğan dollarlardı satudan swranıs azaya qoymağan.

Ayta keteyik, osıdan eki jıl bwrın 2015 jıldıñ 20 tamızında teñge kursı erkin aynalımğa jiberilgen soñ, Wlttıq bank dollarğa swranısqa azaytu üşin birneşe ay intervenciya jürgizgen. Alayda bwdan teñge bağamı twraqtalıp qalğan joq. Kerisinşe wlttıq valyuta 50%-ğa deyin qwnın joğaltqan bolatın.

“The Qazaq Times”