Foto: Grainboard

2017 jıldıñ 8 ayında Qazaqstan 2,4 mln tonna biday eksporttağan jäne bwl ötken jıldıñ säykes kezeñimen salıstırğanda 10,1% -ğa tömen. 

Al bağa körsetkişi 10,1%-ğa nemese 381 mln dollarğa deyin azayğan. Bwl soñğı 5 jıldağı eñ tömengi körsetkiş bolıp otır. Mwnday tömengi körsetkiş soñğı ret 2011 jılı tirkelip, 8 ayda 227,9 mln dollar ğana tabıs äkelgen, dep habarlaydı Finprom.kz.

Saraptama agenttiginiñ mälimetinşe, älemdik tauar narığındağı jağday qazaqstandıq astıqtıñ paydasına şeşileyin dep otırğan joq. Sebebi biılğı jılı bidaydıñ tonnası 158,2 dollarğa bağalanğan, al bwl bıltırğı körsetkişten 0,3%-ğa, 2012 jılğıdan 23,4%-ğa tömen.

Jalpı Qazaqstannıñ bidayın eñ köp satıp alatın elder Özbekstan men Täjikstan. Alayda qazaqstandıq bidaydı satıp alatın alğaşqı bes eldiñ tizimine biıl Resey (3 orın) men Iran (5 orın) kirmegen. Onıñ ornında Italiya men Qırğızstan twr.

Al jalpı swranısqa keler bolsaq, Italiya qazaqstandıq bidaydı satıp aludı eki esege nemese 19,7 mln dollarğa arttırğan. Desek te ital'yalıq satıp aluşılar üşin bağa 11,6%-ğa tömendetilgen.

Resey kerisinşe, Qazaqstannıñ bidayın satıp aludı 2,7 esege, Iran 26 esege tömentedip jibergen.

Ayta keteyik, qazirgi kezde Qazaqstannıñ ekonomikası qwldırap jatır. Sondıqtan keybir elderdiñ osılay importtan bas tartuı Qazaqstan üşin oñay bolmayın dep twr.

“The Qazaq Times”