يران مەن رەسەي قازاقستان بيدايىن ساتىپ الۋدى مۇلدە ازايتتى

2017 جىلدىڭ 8 ايىندا قازاقستان 2,4 ملن توننا بيداي ەكسپورتتاعان جانە بۇل وتكەن جىلدىڭ سايكەس كەزەڭىمەن سالىستىرعاندا 10,1% -عا تومەن. 

ال باعا كورسەتكىشى 10,1%-عا نەمەسە 381 ملن دوللارعا دەيىن ازايعان. بۇل سوڭعى 5 جىلداعى ەڭ تومەنگى كورسەتكىش بولىپ وتىر. مۇنداي تومەنگى كورسەتكىش سوڭعى رەت 2011 جىلى تىركەلىپ، 8 ايدا 227,9 ملن دوللار عانا تابىس اكەلگەن، دەپ حابارلايدى Finprom.kz.

ساراپتاما اگەنتتىگىنىڭ مالىمەتىنشە، الەمدىك تاۋار نارىعىنداعى جاعداي قازاقستاندىق استىقتىڭ پايداسىنا شەشىلەيىن دەپ وتىرعان جوق. سەبەبى بيىلعى جىلى بيدايدىڭ تونناسى 158,2 دوللارعا باعالانعان، ال بۇل بىلتىرعى كورسەتكىشتەن 0,3%-عا، 2012 جىلعىدان 23,4%-عا تومەن.

جالپى قازاقستاننىڭ بيدايىن ەڭ كوپ ساتىپ الاتىن ەلدەر وزبەكستان مەن تاجىكستان. الايدا قازاقستاندىق بيدايدى ساتىپ الاتىن العاشقى بەس ەلدىڭ تىزىمىنە بيىل رەسەي (3 ورىن) مەن يران (5 ورىن) كىرمەگەن. ونىڭ ورنىندا يتاليا مەن قىرعىزستان تۇر.

ال جالپى سۇرانىسقا كەلەر بولساق، يتاليا قازاقستاندىق بيدايدى ساتىپ الۋدى ەكى ەسەگە نەمەسە 19,7 ملن دوللارعا ارتتىرعان. دەسەك تە يتاليالىق ساتىپ الۋشىلار ءۇشىن باعا 11,6%-عا تومەندەتىلگەن.

رەسەي كەرىسىنشە، قازاقستاننىڭ بيدايىن ساتىپ الۋدى 2,7 ەسەگە، يران 26 ەسەگە تومەنتەدىپ جىبەرگەن.

ايتا كەتەيىك، قازىرگى كەزدە قازاقستاننىڭ ەكونوميكاسى قۇلدىراپ جاتىر. سوندىقتان كەيبىر ەلدەردىڭ وسىلاي يمپورتتان باس تارتۋى قازاقستان ءۇشىن وڭاي بولمايىن دەپ تۇر.

“The Qazaq Times”