فوتو: گازەتا "ليتەر"

«اتامەكەن» قر ۇلتتىق كاسىپكەرلەر پالاتاسى قازاقستان-قىرعىستان اراسىنداعى كەدەندىك ماسەلەگە قاتىستى پىكىرىن ءبىلدىردى. 

«بولىپ جاتقان جاعداي ادال ەمەس باسەكەنى تۋدىرىپ، زاڭعا باعىنعان وتاندىق بيزنەس-قوعامداستىقتىڭ مۇددەسىن بۇزىپ وتىر. بۇل ولقىلىق ەاەو جۇمىس ىستەۋ اياسىندا مۇلدە بولماۋى كەرەك. ەۋرازيالىق ەكونوميكالىق وداقتىڭ نەگىزگى قاعيدالارى – ول تاۋارلاردىڭ بىرىڭعاي نارىعىن قۇرىپ، تاۋارالرادىڭ وداق اۋماعىندا ەركىن تاسىمالداۋىن قامتاسىز ەتۋ»، – دەدى «اتامەكەن» قر ۇكپ باسقارۋشى ديرەكتورى دينا ماماشەۆا.

ونىڭ ايتۋىنشا، «اتامەكەن» ۇلتتىق كاسىپكەرلەر پالاتاسى قوسىمشا باقىلاۋ قازاقستاندىق كاسىپكەرلەردى باقىلاۋعا ەمەس، ەكى ەلدىڭ كەدەندىك قىزمەتىن جاقسارتۋعا، اقپارات الماسۋعا باعىتتالۋى كەرەك. وسىعان بايلانىستى، ءبىرىنشى كەزەكتە قازاقستاندىق كاسىپكەرلەر زارداپ شەگەتىنىن ەسكەرسەك، ۇلتتىق پالاتا ەكى تاراپتى ەۋرازيالىق ەكونوميكالىق وداقتىڭ قۇقىقتىق نەگىزدەرى اياسىندا  جۇمىس ىستەۋگە شاقىرادى.

«سايكەس نورمالار قاجەتتى اقپاراتتىق الماسۋ، ونىڭ ىشىندە ەلەكتروندىق دەكلاراتسيالاۋ، الدىنا الا اقپاراتتى ەلەكتروندى تۇردە جىبەرۋ، ەاەو مەملەكەتتەرى كەدەندىك ورگاندارى اراسىندا اقپاراتتىق ىنتامقتاستىق، ەاەو مەملەكەتتەرى كەدەندىك ورگاندارىنىڭ ءوزارا اكىمشىلىك كومەگى ەاەو كەدەندىك كودەكسىندە ناقتى كورسەتىلگەن ءارى بۇل قۇجات قر پارلامەنتى ماجىلىسىمەن ماقۇلدانعان. اتالعان قۇجات 2018 جىلدىڭ 1 قاڭتارىنان باستاپ كۇشىنە ەنەدى»، – دەپ مالىمدەدى دينا ماماشەۆا.

ايتا كەتەيىك، سوڭعى ءبىر اي ىشىندە قازاق-قىرعىز اراسىندا ساياسي، ەكونوميكالىق جاعداي شيەلەنىسە ءتۇستى. اسىرەسە كەدەن ماسەلەسى تەك بيلىكتەگىلەردىڭ عانا ەمەس، قاراپايىم حالىقتىڭ دا اشۋىن تۋعىزىپ وتىر.

“The Qazaq Times”