Qırğızstan biligi qazaqstandıq «Kazakhmys» korporaciyasına tiesili OsOO «Qaz Mineralz Bozımçak» kompaniyasınıñ licenziyasın üş ayğa toqtattı.

Qırğızstan memlekettik energetika jäne jer qoynauın paydalanu komitetiniñ basşısı Wlan Rısqwlovtıñ sözinşe, OsOO «Qaz Mineralz Bozmıçak» kompaniyası jwmısında ekonomikalıq jäne tehnikalıq zañ bwzuşılıqtar anıqtalğannan keyin üş ayğa toqtatılğan. Rısqwlov osı mäsele boyınşa «Tazabek» aqparat agenttigine bergen swhbatında: «Bwğan deyin memlekettik ekonomika jäne tehnikalıq tekseruler basqarması OsOO «Qaz Mineralz Bozımçak» jwmısın teksergen bolatın. Tekseru barısında birneşe zañ bwzular anıqtaldı. Osığan baylanıstı biz atalmış olqılıqtardıñ ornın toltıruğa kompaniyağa üş ay uaqıt berdik. Osı üş ay işinde kompaniya licenziyası uaqıtşa toqtatılatın boladı» - degen.

Esteriñizge salayıq, OsOO «Qaz Mineralz Bozımçak» «Kitko. Bi. Vi» kompaniyasına tiesili. Al bwl kompaniya öz kezeginde qazaqstandıq «Qazaqmıstıñ» enşiles kompaniyası. Bwdan bölek Vladimir Kimniñ «Kazakhmys» korporaciyası Qırğızstanda «Kazakhmys Gold Kyrgyzstan» kompaniyasına ie.

“The Qazaq Times”